Umngcele weGaza le-Egypt uvulwe okwakuqala namuhla eRafah
kusukisela ngesikhathi kuqhamuka impi phakathi kwe-Israel
leHamas, kuvunyelwa izizalwane zakwamanye amazwe ukuthi
ziphume esihlengeni seGaza lesi.
Abantu abalamaphasipoti akwamanye amazwe kanye
lemaPhalestina alimeleyo yibo abavunyelwa ukungena e-Egypt.
Ukuvulwa komngcele lo kuza kulandela isivumelwano esibekhona
phakathi kwe Israel, Hamas le-Egypt. Kusenjalo umphathintambo
wohlangothi lweMelika olubona ngokudlelana lamanye amazwe
umnu Antony Blinken ukhangelelwe ukubuyela e-Israel
ngolwesihlanu.
Exoxa leStudio7 ingcwethi yezombusazwe njalo engumqondisi
wenhlanganiso ephathisa uzulu ngamanzi eye-Intuba Community
Projects umnu Raphael Mthombeni uthe ukuvunyelwa kwezizalwane
zakwamanye amazwe ukuphuma esihlengeni lesi kuyinto enhle
njalo exwayisa ukuthi kuvikelwe impilo yabangahlomanga.
Your browser doesn’t support HTML5
Ingxoxo loMnu Raphael Mthombeni