liqhubeke liqansa inani labantu ababulawa ngumkhuhlane wesihudo ese Cholera e Zimbabwe.
Ugatsha lwezempilakahle lukhiphe imbiko othi izolo ilizwe kutholekele abantu abangamatshumi ayisikhombisa lanye-71 belomkhuhlane lo, wabulala oyedwa.
Indawo yasemaphandleni aweBuhera yiyo elenani eliphezulu labantu abatholakele belomkhuhlane abangamatshumi phose amathathu-27 zabantu.
Ingcitshi zezempilakahle zikhuthaza uhulumende ukuthi kumele ethule isiqondiso ezikhomba ukulumkhuhlane usuyingozi ehlasele ilizwe, inational disaster.
Ingcitshi zezempilakahle zithi uhulumende kumele athathathe njalo amanyathelo okuthi abantu bathole lula amanzi ahlanzekileyo.
Enye yalezingcitshi, uDokotela Michael Ncube osebenza esibhedlela se Parirenyatwa, esise Harare, uthi uhulumende kumele abone ukuba luyalungiswa udubo lwamanzi.
"Okubangela icholera yikuswelakala kwamanzi. Kumele kube lamanzi endaweni ezihlala abantu ngoba lokhu kungenza umkhuhlane lo usabalalele"
Lokhu kusekelwe ngomunye uDokotela osebenza esibhedlela seSally Mugabe e Harare.
"Umkhuhlane lowu ubangelwa yingcikeza. Esikukhuthazayo yikuba abantu bathande amanzi ngoba akula omunye umuthi owecholera. Kumele abaphezulu banikeze uzulu amanzi"
Kuleziqinti ezingamatshumi amane lanye-4, elizweni lonke, ezaziwa ukuba zilabantu asebehlolwe bathokala belomkhuhlane wesihudo seCholera.
Sikhulumanje elizweni lonke jikelele iCholera isibulele abantu abaphezu kwekhulu -120, kuthi asebeholwe batholakala belayo lokhu yaqhamukayo sebezinkulungwane phose eziyisithupha-5,677.
Your browser doesn’t support HTML5
Udaba lwesimo secholera siluphiwa nguMlondolozi Ndlovu