Ibandla le Zanu PF lokhe lingaphumeli egcekeni ukuthi lizakwenza ukhetho lwamalunga, ama primary elections na kumbe hatshi, awokudinga abazalimela kukhetho lwama by elections ngenyanga kaMpalakazi.
Abancintisa kukhetho olwenziwa ngoncwabakazi kodwa banqotshwa bebekhangelele ukuthi bengahle baphiwe ithuba lokuncintisa njalo.
Ibandla le Zanu PF lathola izihlalo zedale lephalamende ezilikhulu lamatshumi amathathu lasithupha, 136 okutsho ukuthi linganqoba kukhetho lwama by elections lithole izihlalo eziyithoba mumnwe munye 9, liyenelisa ukuba lamalunga edale angaguqula isisekelo sombuso.
Sixoxe lomunye owancintisa kukhetho luka Ncwabakazi emele ibandla le Zanu PF esigabeni se Binga, uMnu. Kudakwashe Munsaka, ongumkhokheli njalo wenhlanganiso ye forever Associates of Zimbabwe, kumbe FAZ.
Your browser doesn’t support HTML5
Ingxoxo loMnu. Kuda Munsaka.