Umkhokheli webandla le CCC uMnu. Nelson Chamisa uthi ibandla lakhe kalisoze liphatheke kukhetho lwama by elections oluzenziwa ngenyanga ka Mpalakazi.
UChamisa utshele intathelizindaba izolo ukuthi ukhetho lwama by elections alukho emthethweni ngoba lwenziwe kulandela incwadi eyalotshwa ngumuntu ongelamvumo yokuxotsha amalunga ebandla lakhe.
Ozithi ngunobhala jikelele webandla le CCC, uMnu. Sengezo Tshabangu wabangela ukuxotshwa kwamalunga ebandla le CCC awedale lephalamende alitshumi lanhlanu, 15, ama senator ayithoba munwe munye, 9, lama khansila alitshumi lasikhombisa, 17.
Kodwa ilunga ledale lamanene lamanenenekazi ebandla leli, elithiwa the elders, uMnu. Matson Hlalo uthi bazakusa loludaba emphakathini ukuze utsho ukuthi kungenwe na kulolukhetho.
Siphinde saxoxa lomsekeli wesikhulumeli salelibandla, uMnu. Gift Ostallos Siziba yena othi uhulumende usesebenzisa indlela zonke ukuncindezela ibandla le CCC ngoba langqoba kukhetho olwedluleyo.
Your browser doesn’t support HTML5
Ingxoxo loMnu. Gift Ostallos Siziba.