Abehofisi yommeli wele Israel eZimbabwe basole kakhulu
okwenziwa ngabeqembu eleHamas empini labo bekuchaza njengesihluku esiphindiweyo ukwedlula okwenziwa ngabamanye amaqembu ababizwa yiMelika ukuthi ngawamaterrorist agoqela oISIS, bekhuthaza abeHAMAS ukuthi babeke phansi izikhali.
Lokhu kuvezwe ngummeli weIsrael emazweni abalisa
iZimbabwe, Zambia le Botswana, uNkosikazi Ofra Farhi, emhlanganweni lentathelizindaba owenzelwe enkundleni eyebulenjini eye-ZOOM.
Unkosikazi Farhi uthi ilizwe lakhe kalilwisani lePalestine kodwa leqembu eleHAMAS elibizwa ngabe Melika ukuthi ngamalwecatsha awesiMoslem awedlulisa amalawulo.
Rescuers look for survivors in the rubble of a building hit in an Israeli air strike in Khan Yunis in the southern Gaza Strip on October 24, 2023.
“Kulusizi ke ukuthi abeHAMAS lokhe besakhankasela ukutshabalaliswa kwesizwe sase-lsrael.”
Lokhu kugcizelelwe yisikhulumeli sehofisi yommeli weMelika eZimbabwe umnumzana Laurence Socha laye osole okwenziwa ngabe HAMAS kwele Israel.
“Thina njengeUnited States, siyakusola kakhulu lokho okwenzakalayo njalo siyadzizelela kwezokulondolozwa kwenitherho yezempi.”
Kodwa ommele iPalestine kwele Zimbabwe, uMnu. Tamer Almassri, uthi
okwenziwa ngele Israel ngumbhuqhazwe oluqondiswe ebanwini belizwe lakhe abangahlomanga okumele kumiswe ngabamazwe omhlaba.
EDITORS NOTE: Graphic content / A surgeon and a physician check on a man and a child, both injured in Israeli bombardment, at a trauma ward at Nasser hospital in Khan Yunis in the southern Gaza Strip on October 24, 2023 amid the ongoing battles between Is
“Bafuna ukuqhubekisela phambili ukudubeka kwethu.”
Isikhulumeli sehofisi yabogatsha lwezobudlelwano lamanye amazwe womhlaba, umnumzana Levit Mugejo uthi eleZimbabwe likhuthaza ukukhulumisana kwamazwe womabili ukuqeda limpi.
“Kasiyisekeli thina limpi ekhona, sikhuthaza ukukhulumasana. EleZimbabwe likhuthaza ukukhulumisana ngoba loludaba lungaqedwa yikukhulumisana.”
U Thabani Dube oyintathelizindaba njalo olikholwa lesi-Islam uthi impi phakathi kweIsrael lePalestine ngeyokubangisana umhlabathi.
“I-HAMAS kayiso terrorist group, ngamaPalestinians alwela ilizwe labo ukuthi bavikele umhlabathi wabo, bavikele amalungelo abo from i-Israel. Ngoba sonke siyakwazi ukuthi by 1948 yayingekho, ngabantu abalethwayo ePalestine baqalisa ukuthatha ilizwe labantu so ukulwela ilungelo lakho ayisiyo terrorism.”
Kodwa umfundisi Wyson Dutch webandla le United Evangelical Church in
Zimbabwe uthi akamangaliswa ngokwenzakalayo ngoba kuvele kukhona laseBhayibhilini ukuthi kuzaba lempi ezinje.
ISRAEL-PALESTINIAN-CONFLICT
“Lokhu akulani lezombusazwe, ukulinganiswa kwamathuba loba ukulondolozwa kwelungelo loluntu, le yindaba yezokholo. Njalo ukholo kuphela olulempendulo kulokhu ngolwabesiJuda ngokwabo lamaKhristu. Singakuthola lokhu eBhayibhilini labokholo lwesiKhristu, i-Tora leminye imibhalo yezokhgolo."
Abehofisi yommeli wakweleIsrael kuleli bathi okwenzakalayo kwabangelwa
yikuhlasela kwezigebengu zeHamas elizweni labo mhla ka 7 kuyonale inyanga kaMfumfu zabulala ngesihluku abantukazana abedlula inkulungwane (1 400) inengi kungabesifazane, asebekhulile labantwana njalo yathumba abafika abedlula amakhulu amabili – 200.
Your browser doesn’t support HTML5
Udaba lwempi yeIsrael leHamas siluphiwa nguMavis Gama