Abasekeli bebandla eliphikisayo eleCCC, abaseSouth Africa bamanyene lezinye izizalwane zeZimbabwe ezifole zitshengisela ziqonde emahofisini kamphathintambo wezokudlelana kweSouth Africa lamanye amazwe omhlaba ePretoria namhlanje. Laba bantu bebesithi uMongameli Cyril Ramaphosa akatshiyane lokusekela impumela yokhetho olwenziwe eZimbabwe lonyaka ngoba lwaba lokuqilibezela.
Bebecula begida ingoma zomzabalazo abakade betshengisela laba, bafika emahofisini ogatsha lwezobudlelwano beSouth Africa lamanye amazwe bethwele amabhakani alemibhalo ekhuthaza lelo lizwe ukuthi lingasekeli ukuncindezelwa kukazulu we Zimbabwe.
Amalunga awe CCC akade etshengisela ePretoria emahofisini kamphathintambo obona ngobudlelwano eSouth Africa lamanye amazwe.
Esethulela iziphathamandla zikahulumende weSouth Africa izikhalazo zabo umgcinisihlalo webandla leCCC kweleSouth Africa umnumnzana Trust Ndlovu usole uMongameli Ramaphosa ngokwenzela amhlophe uMongameli Emmerson Mnangagwa ngesikhathi iqula leSADC eliqapha ukhetho likubeke sobala ukuthi ungene kuleso sikhundla ekhethweni olube lokuqilibezela okukhulu.
“Ubaba uRamaphosa sicela ame labantu lezizalwane zonke zikazulu. Sicela ubaba uRamaphosa ame leSADC report ngoba leya ireport inamandla okwedlula ireport yeZEC. I report ye ZEC yiyo le eyaannouncer amaresults amanga.”
Amalunga awe CCC akade etshengisela ePretoria emahofisini kamphathintambo obona ngobudlelwano eSouth Africa lamanye amazwe.
Le yinto ebuye yagcizelelwa ngesinye isizalwane seZimbabwe unkosazana Siphathisiwe Ndlovu yenake othe akakuzwisisi ukuthi kungani uRamaphosa lenkokheli zebandla lakhe eleANC bengakuzwisisi ukuthi ukhetho lweZimbabwe lwaqilibezelwa.
“Sifuna abuyele basebenzisane leSADC kureport yabo ama election ma kulendlela aqalwe kabutsha, eqalwe phansi abe free and fair.”
Ilunga leCCC unkosazana Petronella Muchenje uthe nguye uRamaphosa oseze wabangela ukuthi kubenzima ukuthi inhlanganiso yeSADC ibambe udaba lweZimbabwe ngokuphuthuma.
Amalunga awe CCC akade etshengisela ePretoria emahofisini kamphathintambo obona ngobudlelwano eSouth Africa lamanye amazwe.
“Waphazamisa uRamaphosa ngokuthi atshengise ukuthi yena use sayidini likaPresident wethu. Thina siyakhala ukuthi ama elections a rigiwe kodwa yena uyaqhubeka ngokuya congratulator uPresident. Kuwrongo khonalokhu.”
Unkosazana Sikhulile Tshabalala isizalwane se Zimbabwe esesihlala eSouth Africa, uthe ubezotshela uRamaphosa ukuthi lokhu akwenzayo ngezinye zezizatho ezenza abantu bangabuyeli ekhaya.
“Sifuna ukubuyela ekhaya but ilizwe lethu alikho right ngendaba yokuthi we are depressed. We are facing ditactorship. Asihlalanga kahle elizweni lethu.
Amalunga awe CCC akade etshengisela ePretoria emahofisini kamphathintambo obona ngobudlelwano eSouth Africa lamanye amazwe.
Esinye njalo isizalwane se Zimbabwe, umnumnzana Zenzo Khumalo yena uthe ubezotshela uRamaphosa ukuthi uMngangagwa wakhelo amsekelayo uvalele amalunga ebandla le MRP eyisitshiyagalolunye (9) ejele kungelacala abalenzayo.
“We are not refusing ukuthi siye eZim but all what we want yikuthi asisupporte ukuthi sibuyele ekhaya. Acondeme each and everything eyenziwa nguMnangagwa.
Isiphathamandla sehofisi yogatsha lobudlelwano beSouth Africa lamanye amazwe umnumnzana Linda Maso wemukele izikhalazo zabakade betshengisela laba wathi uzazisa lapho okufanele ziyekhona.
Kusenjalo isikhulumeli sebandla leZanu pf kweleSouth Africa umnumnzana Walter Nsununguli Mbongolwane, uthi okwenziwa ngabeCCC , yikuchithanje isikhathi.
Amalunga awe CCC akade etshengisela ePretoria emahofisini kamphathintambo obona ngobudlelwano eSouth Africa lamanye amazwe.
“ORamaphosa bayakwazi ukuthi kwenzakalani eZimbabwe. Bayakwazi iqembu elinqobileyo. Yingakho behambe bayafakaza ngesikhathi egcotshwa umongameli waseZimbabwe.”
Le yinto abeCCC kweleSouth Africa abathi ngamanga aluhlaza atshotshozelwa yiZanu pf ngoba isazi mhlophe ukuthi nxa kungaqhutshwa ukhetho olukhululekileyo eZimbabwe kayingeke yanqoba.
Your browser doesn’t support HTML5
Udaba lokutshengisela kwabeCCC eSouth Africa siluphiwa nguThuso Khumalo