Owake waba ngummeli weTafara/Mabvuku edale lephalamende uMnu James Chidhakwa ubikwa ethunjwe izolo emzini wakhe ose Arcturus, duzane leHarare, ngabantu abacatshangelwa ukuba zinsoli zikahululumende.
U-Chidhakwa ubikwa ehlukumezwe ngendlela ezitshiyeneyo okugoqela ukutshaywa walinyazwa kakubi, wahlatshwa ijekiseni elingaziwa ukuba belilomuthi bani njalo wagxotshwa inyawo ngemotha. Ucine etholakala elimele kakubi kokunye okuligusu okuse Arcturus NgoLwesibili.
Abducted CCC member James Chidhakwa
Umsekeli wesikhulumeli se CCC uMnu Gift Siziba uchasisa ngokwenzakale ku Chidhakwa.
"Konke lokhu kwanzaa yi ZANU PF ngoba abantu kabavotelanga i ZANU PF. UChidhakwa bamthumbe ngoba umela iCCC e Mabvuku lase Zimbabwe."
USiziba utshele intathelizindaba ukuba okwenzakele ku Chidhakwa kumangelwe emapholiseni kodwa isikhulumeli samapholisa uMnu Paul Nyathi uthi kabakatholi imbiko yaloludaba.
Abducted CCC member James Chidhakwa
"Kathesi sikhuluma nje asikatholi lutho ngodaba lolu. AKula osekubuye kithi."
Ingcwethi ecubungula ezombusazwe uMnu Peterson Dube uyakusola ukuthunjwa lokuhlukunyezwa kukaChidhakwa.
"Siyakusola lokhu ngoba kutshengisa ukuba kulabantu abenza okubi eZImbabwe. Uhulumende kumele akuhlolisise lokhu "
Abducted CCC member James Chidhakwa
Ingcitshi ezicubungula ezombusazwe zithi ziya zisanda izehlakalo zabasekeli be CCC abahlukunyezwayongendlela ezehlukeneyo ezigoqela ukutshaywa, ukwethuselwa, ukubotshwa lokunye, ngaphambilini langemva kokhetho, zisithi ukukhulumisana phakathi kwamabandla womabili ele ZANU PF lele CCC yikho okungaqeda ukufuthelana kwezombusazwe okuselizweni.
Your browser doesn’t support HTML5
Udaba lokuthunjwa kukaMnu. James Chidhakwa oweCCC siluphiwa nguMlondolozi Ndlovu