Inkokheli zamazwe abalisa iMelika, Canada, France, Germany, Italy leBhilithani ziqhubekela phambili zisekela ilungelo le-Israel elokuzivikela kodwa zikhuthaza ukuthi kuvikelwe njalo kuphathiswe abantu abaseGaza abangahlomanga, phansi komthetho we-Humanitarian Law.
Impi le ibikwa isiyiyo impi enkulu ukwedlula zonke ezinhlanu esezithe zaliwa esigabeni seGaza strip. Abantu abedlula inkulungwane lengxenye abase-Israel babulewe ngelanga lakuqala lokuhlasela kweHamas. Kodwa okwamanje eGaza sekulabantu abedlula inkulungwane ezinhlanu asebebulewe.
Ekhuluma leStudio 7 ingcwethi kwezombusazwe njalo efundisa ekolitshini eleNational University of Science and Technology, umnu Stevenson Dlamini uthi impi le ingaqhubekela phambili ilakho ukuphazamisa umnotho weZimbabwe.
"Impi le ilakho ukubangela ukuthi kuswelakale impahla ezithengwa e-Israel ezifana lezikhali kanye lemitshina yokulima kuthelezelwa, lokhu kungenza ukuthi izinto lezi zicine sezithengwa ngentengo ephezulu kakhulu."
Your browser doesn’t support HTML5
Ingxoxo lo Mnu Stevenson Dlamini