Intathelizindaba zibanjwe ngamandla ukucitsha imfanekiso kamsekeli kaMongameli welizwe, uMnu. Kembo Mohadi lapho aze aqaleke esemhlanganweni we Masvingo ngoMgqibelo.
UMohadi lenye inkokheli yebandla le Zanu PF bebese Gutu West ukuyaphawula umkhankaso welunga labo, uMnu. John Paradza ozancintisa kukhetho lokudinga ozamela lesi sigaba edale lephalamende.
Lesi sigaba sizakwenza ukhetho lwe by election ngoba omunye owayencintisa kukhetho olwenziwa ngoncwabakazi, uMnu. Christopher Mutonhori Rwodzi wabhubha engozini yemota.
UMohadi ubikwa ebesethula amazwi akhe wezwakala esithi ufuna amanzi anduba waqaleka wawela phansi.
Kodwa esinye isiphathamandla sebandla leZanu PF, uMnu. Tendai Chirau ubikwa ebize amapholisa ukuthi bamncedise ukucitshisa intathelizindab imfanekiso kamohadi lapho esiwa.
Asenelisanga ukukhuluma leziphathamandla zebandla le Zanu PF kodwa iphephandaba lobulembu, ele Zimlive lithi uMohadi, olomkhuhlane wetshukela, uthwalwe ngendizamtshina yohlobo lwe helicopter ukuyakwelatshwa esibhedlela.
Ukuhlziya loludaba sixoxe lengcwethi ecubungula ezombusazwe, uMnu. Effie Dlela Ncube.
Your browser doesn’t support HTML5
Ingxoxo loMnu. Effie Dlela Ncube.