Imotha ezinkulu ezithwala impahla lokudla ezingaba ngamatshumi amabili ezenhlanganiso eye Egyptian Red Crescent zibonakale zingena eGaza Strip namhlanje zithwele uncedo lokudla amanzi, imithi yokwelapha abalimeleyo lokunye, zisebenzisa umngcele owe Rafah Crossing, waseEgypt.
Ezinye izimotha ezinengi zibikwa besezilensuku ezinengi zilokhu zimelele ukuvunyelwa ukuchapha umngcele weRafah ukuyaphathisa abantu abedlula izigidi ezimbili abehlelwe luhlupho lokubanjaniselwa phakathi kokulwisana kwabe Israel labeqembu lebutho ele Hamas eGaza, ikakhulu abesifazana labantwana.
Israel Palestinians Gaza aid
Ekhuluma ngemva kwalesi sehlakalo unobhala jikelele wenhlanganiso yomanyano wamazwe womhlaba oweUnited Nations, umnumzana Antonio Guterres, uthe imotha lezi kumele zihambe ngokuphangisa ziyefinyelela abathinteke ngalimpi yeHamas leIsrael.
UGutteres ubonge kakhulu eleEgypt ngokuqoqa ukuthi lezi moto zenelise ukungena eGaza zikhululekile.
United Nations Secretary-General Antonio Guterres (C) speaks outside the gate of the Egyptian side of the Rafah border crossing with the Gaza Strip in the east of North Sinai province on October 20, 2023 during a visit there to oversee preparations for th
Embikweni owethulwe ngoqondisa umsebenzi wokuthi uncedo lolu lufinyuelele emangweni weGaza, umnumzana Martin Griffiths, oweUnited Nations, uthi balethemba lokuthi lolu ncedo alusoze lube ngolokucina ukuvunyelwa ukungena eGaza ukuyanceda abazibona sebesenkingeni yokuba phakathi kwamacele alwisanayo.
Lolu ncedo ngolwakuqala ukuvunyelwa ngamacele womabili ukuthi lungene eGaza, kusukisela iqembu leHamas, lize liphosele i-missile kwele Isreal mhlaka 7 wayonale inyanga kaMfumfu, yona layo I Israel yasiphindisela kwahle kwasungula limpi.
Aid trucks arrive at a UN storage facility in the central Gaza Strip
Kulabantu abedlula inkulungwane ezine bakwelePalestine sebebulewe ekulwisaneni lokhu lokhe kwaqalisayo.
Umongameli Joe Biden, weleMelika, wazise ngesivumelwano samacele amabili sokuthi kungalwiswa izimotha ezithwala uncedo lokudla lemithi kokuyasiza abathinteke kule impi, ikakhulu abesiazana labantwana.
Ingcwethi ecubungula ezombusazwe iphatheke kumisebenzi yokulondolozwa kwelungelo loluntu, owake waba ngumsekeli kamwodisi wenhlanganis eye Centre for Public Engagement, umnumzana Butler Thambo osehlala eMelika, uthi kuyancomeka ukuthi eleEgypt likubone kuqakathekile ukuthi lisebenze nzima ukubona ukuba izimotha ezithwele uncedo zenelise ukusebenzisa ungcele wayo weRafah ukuhambisa lolu siso kwabathitheke ngalimpi.
Workers from the Palestinian Red Crescent unload lorries carrying humanitarian aid after they entered the Gaza Strip from Egypt via the Rafah border crossing on October 21, 2023.
“Kuyabongeka ukuthi uncedo lokudla, imithi amanzi lezembatho sokuzakwenelisa ukuyafika kwabantithekileyo, ngoba kuqakathekile ukuthi ngalesi sikhathi kuncedwe abantu abangomama labantwana abangela cala, abazibona sebephakathi kwembokodo lelitshe,” kutsho uThambo.
Uqhubeke uThambo ethi “Yona vele impi ivele imbi kungakhathekile ukuthi ngubani obe loqalo ngoba icina ihlanganisela labantu abangacela.”
Your browser doesn’t support HTML5
Ingxoxo loMnu. Butler Thambo ngoncedo lwabathinteke ngempi yeHamas leIsrael