Izakhamizi zeZansi yemaNdebeleni sezikhuthaze uhulumende ukuba aphange azabele inhlanyelo ukuze ziqale ukulima masinyane. Lokhu kulandela ukuna kwezulu endaweni ezitshiyeneyo zalesisabelo kuliviki. Izanuse zomumo womkhathi zithi lesisabelo sizathola izulu elilingeneyo.
Mat South villagers on seeds shortage
Lanxa ingcwethi kwezokulima zisithi ukusewula kwezulu lokhu akutsho ukuthi uzulu sengaqala ukulima inengi lezakhamizi kulesisabelo lithi ngabe uhulumende uyaphanga aziphe inhlanyelo yohlelo lukaGatshompo ukuze zingatshiywa yisikhathi.
UMnu. Thembani Msewa Sibanda oyisakhamuzi seNtepe eGwanda South uthi ukuna kwezulu lokhu kuyabathokozisa.
"Sikhangele lapha emfuleni besesingela amanzi siyabonga uNkulunkulu usiphile amanzi, ngibona imklampunzi izamila inkomo ziphile."
Inengi kulesisabelo selile minyaka lingavuni lutho emasimini osekutshiye inengi lingela inhlanyelo. UNkosikazi Maphalala Ngulube oyisakhumuzi eSitezi eGwanda North uthi babhekane lendlala embi njalo imali abayitholayo ayiyeneli ukuthi bathenge inhlanyelo.
"Kathesi izulu selinile kanje kasisahlali phansi sigebha amagodi, sizama ukudinga inhlanyelo sifake umquba kodwa inhlanyelo kasikayitholi, asilamali njalo silambile kakhulu kuzasebenzeka nzima ngoba silambile amadolo ayaxega, sicela uncedo."
Lamazwi agcizelelwe nguNkosikazi Sibusisiwe Mpala esinye isakhamuzi seSitezi othi bathwele amagabha avuzayo njengabomama basemaphandleni.
"Izulu selinile silungiselela ukulima kodwa asilanhlanyelo silima nzima ngamagodi bakithi ngabe liyasizwela nje lilethe ithalakathi izosilimela siyacela lisincede langokudla indlala inkulu bakithi like lisiphe lathi imali njengabomama ngoba asiyiboni siyayidinga nzima size silale emkuteni sidinga imali."
Izakhamizi zihlezi zikhala ngokuthi inhlanyelo eyabiwa nguhulumende phansi kohlelo lukaGatshompo iyaphuza ukufika ezandleni zabo okudala ukuthi bengatholi isivuno. Lokhu kufakazwa ngumlimi walindawo uNkosikazi Zanele Ncube.
"Besifisa ukuthi sithole inhlanyelo, uhulumende asilungiselela inhlanyelo ukuze singatshiywa yisikhathi ngoba kwesinye isikhathi okwenzakalayo yikuthi inhlanyelo iyaphuza ukufika lezulu selidlulile njengalapha eGwanda izulu licane besifisa ukuthola inhlanyelo kulesikhathi ukuze lathi silime."
Inhlanyelo elesisindo samakhilogramu alitshumi i10kg ibiza amadola eMelika angamatshumi amathathu lanye $31 ezitolo okuyimali inengi lezakhamizi elith kayitholakali.
Maize seeds crisis
Imizamo yokuxoxisana lengcwethi yezokulima eZansi yemaNdebeleni uMnu. Mkhunjulelwa Ndlovu iyehlule ngoba ubengaphenduli imibuzo ayithunyezelwe enkundleni yokuxhumana kumakhalekhukhwini eyeWhatsapp.
Izulu line kakhulu kwezinye indawo kulesisabelo lapho elikhukhule imigwaqo okudale ukuthi kubenzima ukuthi izimota zihambe.
Your browser doesn’t support HTML5
Udaba oluphathelane lokusilela kwenhlanyelo emaphandleni siluphiwa ngualbert