UMongameli Emmerson Mnangagwa usenqume ukuba umhlaka 9 Mpalakazi yilo ilanga elizakwenziwa ukhetho lokuthatha izikhundla zamalunga edale lephalamende awebandla eleCitizens Coalition for Change ezaxotshwayo kuleli dale. Kodwa abeCCC bona bathi inyathelo elithethwe nguMnangagwa alikho emthethweni.
Kulesi saziso esiphume kugwalondaba luka hulumende olweGovernment Gazette uMongameli Mnangagwa uhle wabeka ukuba ilanga likamhlaka 7 lwezi kulapho okuzahlala idale lokubhalisa abafuna ukuncintisa kulolu khetho, iNomination Court.
Indawo ezizakwenziwa ukhetho lwamaBy-Elections zibalisa iBinga North, Bulawayo South, Cowdray Park, Lobhengula- Magwegwe, Lupane East, Mabvuku- Tafara, Mpopoma Mzilikazi lase Nketa.
Kodwa umsekeli wesikhulumeli se CCC uMnu Gift Siziva uhle wathi ibandla leli kalivumelani lokwethulwe ngu Mongameli ngoba ephambana lomthetho.
"Asivumelani lalokho ukutshiyo ngu Mnangagwa ngoba akufanelanga kube lamalungelo okuxotshwa kwabantu. Udaba lolu lusasemadale. Lokhu kuveza ukuba uMnangagwa ngu mnikazi wakho konke lokhu"
Kodwa isikhulumeli ZANU PF uMnu Farai Marapira uveze ukuba uMongameli Mnnagagwa ulandela umthetho esithi ukuxotshwa kwamalunga e CCC akulani lebandla lakhe.
"Njenge ZANU PF sesimelele ukhetho. Imifanekiso igcwele eka Tshabangu labantu be CCC. Bakujwayele ukuthi lezi zindaba ze ZANU PF"
Kodwa igqwetha elizimeleyo uMnu Mpilo Dube uthi okwenziwa ngu Mongameli kusemthethweni lapho ephalamende kungasela amalunga kumele kube lokhetho, esithi labo abafuna ukuphikisa lokhu bangaya emthethwandaba.
"UMongameli ulandela umthetho. Kwakumele kucace ukuba incadi le ivela kubani, kodwa umthetho uthi incwadi imele ibalwe. Lokhu kuzakwenza ukuba udaba lwe CCC lube nzima. IZANU yafunda ukusebenzisa umthetho"
Ingcitshi kwezombusazwe esebenza lenhlanganiso ye People’s Unity of Zimbabwe uMnu Hebert Chamuka uthi kusobala ukuba lokhu okwenzakalayo yibuqili obusegcekeni beZanu PF.
"Le yimsebenzi ye ZANU PF. Yonke imsebenzi le yimsebenzi eyenziwa yi ZANU PF. kusobala ukuba ibandla leli yilo elivele lifuna abantu laba baxotshwe"
Lokhu kusekelwe ngenye ingcitshi esebenza lenhlanganiso ye Zimbabwe Democracy Institute (ZDI) uMnu Bekezela Gumbo.
"Ukutsho kuka Mongameli ukuba ilanga leli lizaba ngelokhetho kutsho ukuba uMongameli kalandaba lalokho okuzaphuma emthethwaandaba. Kutshengisa ukuba ZANU PF ingaba isithole ithuba lokubhidliza i CCC"
Kolunye udaba olufanayo uMeya wedolobho le Masvingo uNkosazana Shantiel Chiwara usemisiwe laye umsebenzi ngemva kokuba umphathintambo obona ngezamadolobho elobele idolobho leli ukuba uChiwara usexotshiwe laye ngozithi ungunobhala jikelele weCCC uMnu Sengezo Tshabangu, onguye owaxotshisa amalunga aweCCC awedale lephalamende, Senate lakumakhansili.
Your browser doesn’t support HTML5
Udaba lwamaBy-Elections kwabaxotshiswa ephalamende siluphiwa nguMlondolozi Ndlovu