Abebutho lakwele Israel bethule umbiko wokunika ithuba lamahola ayisithupha okuyisikhathi sokuthi izizalwane zakwele Palestine ziqhubeke zibaleka endaweni alokulwisana kwalo leqembu lebutho eleHamas emhlubulweni oweGaza zisiya ngezansi yelizweni lapho okungela kulwisana khona kakhulu.
Kulabantu abaphezu kwesigidi abangahlomanga abesi Palestina abaxwayiswe ngele Israel ukuthi basuke nganyakatho yelizwe besiya ngezansi lapho abangasoze bahlaselwe khona, ikakhulu abesifazana , abantwana labangahlomanga abangasengozini yokuhlanganiselwa labeHamas.
Isikhulumeli sabebutho lakweIsrael, umnuzana Richard Hecht, utshele intathelizindaba ukuthi izakhamizi zalumango kumele zilandele ngokugcweleyo izixwayiso zokuthi baphume beqonde ngaphi, besebenzisa ndlela bani ukuze bengabi phakathi kwalabo abazahlaselwa yibo.
Israel Palestinians
Iziphathamandla zebutho leIsrael Defense Forces bashele abahlali beGaza ukuthi balakho ukubanjaniselwa ekuhlaselweni okuqinileyo abaqoqa ukukwenza kuqondiswe kwabeHamas. Ngakhoke kuzamele babe sebesukile lapho kutshaya ihola lesine emini enkulu ngoMgqibelo.
Inhlanganiso yezindaba eye Associated Press ibika ukuba abeqembu lebutho eleHamas bona baphambana lalinkuthazo yabe Israel besithi abantu benganaki isixwayiso sokubalekela ngezansi yelizwe.
Abebutho eleIsrael bayavuma ukuthi kulabanye abantu makhaza abathunjuweyo ngabeHamas abedlula ikhulu.
Palestinians flee from northern Gaza to the south after the Israeli army issued an unprecedented evacuation warning to a population of over 1 million people in to seek refuge ahead of a possible Israeli ground invasion, Oct. 13, 2023.
Umpathintambo wendaba zasekhaya eGaza wazise ukuba ukulwisana lokhu phakathi kwe Israel leqembu leHamas ngoMgwibelo weviki edluleyo sokubulalise abantu abangaba phezu kwenkulungwane ezintathu, abe Israel abaphezu kwenkulungwane eyodwa-1,300, abe Palestine bona bephose bafike inkulungwane ezimbili-1,800.
Inhlanganiso yomanyano wamazwe womhlaba eye United Nations ithi kulenkunlungwane ezeiphezu kwamakhulu amane-, 420,000, zabantu asebebanjwe ngamandla ukubalekela imizi ngenxa yalokhu kulwisana phakathi kwe Israel le Hamas eGaza.
Your browser doesn’t support HTML5
Ingxoxo loHenry Masuku ephathelane lempi phakathi kweIsrael leHamas