IMelika ithi izinikele ukusekela i-Israel ngakho konke ekudingayo ngalesi sikhathi ilwisana leqembu lebutho ele-Hamas, lakwelePalestine, elihlasele ngoMgqibelo owedluleyo.
Lokhu kubikwe ngumphathintambo wezomvikela eMelika umnumzana Lloyd Austin osekwethekeleleni kwele-Israel, kuhambo lokutshengisa usekelo lukahulumende wakhe kulelo lizwe. Uphinde wathi ubuye lesithembiso sokuqinisa uzulu walelozwe ukuthi engesabi ngoba abezomvikela bazancediswa ukulondoloza ukuvikela abantu makhaza ukuze kungabi lokwesaba kwele-Israel.
Your browser doesn’t support HTML5
Umpathintambo wezomvikela eMelika uSecretary of Defense Llyod Austin
Abokholo lwesi-Moslem eZimbabwe bona bathi kumele kube lokuthula ukuze kuvikelwe uzulu ongela cala.
Umfundisi wokholo lolu ekhokhela ibandla elikhonza emzini we-Lobengula koBulawayo uSheikh Bilal Gwenzi, oyisiphathamandla senhlanganiso eyeSupreme Council of Islamic Affairs in Zimbabwe, uthi impi le isibangela ukulahlekelwa ngumpefumulo kwabantwana labesifazane abangela cala, ngakho kuqiniswe imizamo yokuthi amacele womabili akhumisane umlotha.
Your browser doesn’t support HTML5
Ingxoxo labokholo lwesiMoslem ngokulwisana kweIsrael leHamas
AmaJuda aweZimbabwe lawo akhuthaza ukuthi kungaliwa kodwa kukhulunyiswane.
Unobhala obona ngokudlelana lamanye amazwe omhlaba enhlanganisweni eye Lemba Cultural Association, umnumzana Takavafira Zhou emele amaJuda ansundu, uthi ukuze kuxazululwe limpi kufanele kucwayisiswe okwenzakala endulo ikakhulu ngomnyaka ka 1947.
Your browser doesn’t support HTML5
Ingxoxo labesiJuda bonsundu ngokulwisana kweIsrael labeqembu leHamasa
Abokholo lwesiKhrestu bona bathi kufanele kukhulekelwe abantu abasendaweni eziphoselanwa amabhomba kakhulu.
Umfundisi Lizwe Moyo owebandla leBaptist eKansas khonapha eMelika uthi amakholwa esiKhrestu kufanele aqakathekise ukukhulekela abantu abakhangelane lalimpi njalo ekuthaza ukuthi kube lokuthula kulindawo.
Your browser doesn’t support HTML5
Ingxoxo labesiKrestu ngokulwisana phakathi kweIsrael labeqembu eleHamas
Inzalwa yeZimbabwe ese-Tel Aviv e-Israel uNkosazana Vivian Nomalanga Bhebhe yena othi sekulokuhlaliseka lapho ahlala khona kulandela ukuhlasela kweHamas ngomgqibelo. Uthe idolobho leli alivalanga njengoba izitolo zokudla lokunye okudingakala nsukuzonke zivulile njalo abanye abantu besiya emisebenzini. Uthi laloba kube lokuhlasela lokhu ulokhu ezizwa evikelekile njalo engakabi lesifiso sokubuyela ekhaya.
Your browser doesn’t support HTML5
Ingxoxo loNkosazana Vivian Bhebhe ngokulwisana kweIsrael labeqembu leHamas
Impi le isitshiye abantu bePalestine abedlula inkulungwane ezingamakhulu amane (423,000) bengasela mizi, abedlula inkulungwane ezingamakhulu amabili lengxenye (270,000) becatshe endaweni zokuphephela ezenhlanganiso yomanyano wamazwe eye-United Nations lapho abathola khona ukudla, imithi lokunye abakudingayo.