Abantu abedlula inkulungwane ezingamakhulu amathathu basele bengela mizi kulandela ukuhlasela kweIsrael eGaza iphindisela ngemva kokuhlasela kwe butho leHamas.
Uhulumende wakwele France uthi uzakwenza konke okusemandleni akhe ukuze kukhululwe abathunjwe yiHamas, ngemva kokuba kutholakale ukuthi kulezizalwane zeFrance ezingaba litshumi lanthathu eziphakathi kwalabo abathunjiweyo.
Uhulumende wakwele Melika laye uthe uzakwenza konke okusemandleni akhe ukuthi aphathise ekukhululweni kwezizalwane zalelo lizwe ezithunjwe libutho leHamas laloba kucatshangelwa ukuthi izizalwane zeMelika ezithunjiweyo zinlutshwane.
Inani lababulawa yikuhlasela kweHamas eIsrael kubikwa lisedlula inkulungwane lamakhulu amabili - 1,200 kugoqela phakathi izizalwane zeMelika ezingamatshumi amabili lasikhombisa, njalo kwalimala abantu abafika phose inkulungwane ezintathu - 2,800.
Abantu abafika phose inkulungwane lengxenye 1,417 people, kugoqela abantwana abedlula amakhulu amane - 447 sebebulewe eGaza kulandela ukuphindisela kweIsrael, njalo kulabantu abedlula inkulungwane eziyisithupha abalimeleyo - 6,200.
Abokholo lweSikhristu eZimbabwe bathi bakhangelele ukuthi ukuthunyelwa kuka Mnu. Anthony Blinken, isiphathamandla seMelika esibona ngokudlelana lamanye amazwe, kwele Israel lase Jordan kuzaphathisa ekukhululweni kwalabo abathunjwe yiHamas.
UMfundisi Useni Sibanda umqondisi weZimbabwe Christian Alliance uthi kumele lulungiswe udaba lolu ngoba kuzachitheza igazi elinengi kwele Israel lePalestine ingaqhubekela phambili impi le.
Your browser doesn’t support HTML5
Ingxoxo loMfundisi Useni Sibanda
Abokholo lwesi-moslem eZimbabwe bona bakhuthaze ukuthi iPalestine ivunyelwe ukuthola inkululeko yayo ukuze kumiswe impi le.
USheikh Ishmael Duwa ongumkhokheli wenhlanganiso ye-Supreme Council of Islamic Affairs of Zimbabwe laye ukhala ngokwenzala ePalestine ekhuthaza ukuthi ilizwe leli likhululwe lingaqhubekeli phambili lincindezelwe. Welekelele esithi impi le isibulalisa abantwana labantu besifazane.
Your browser doesn’t support HTML5
Ingxoxo lo Sheikh Ishmael Duwa