Umbukiso wamabhizimusi wezokwethekelelana, oweHlanganani/Sanganai World Toursim Expo wetshumi lasithupha uqalile namuhla koBulawayo, eZimbabwe International Trade Fair Hall. Kulamankampani ayedlula amakhulu amathathu abukisa imisebenzi yawo kumbukiso walonyaka.
Lumbukiso ulamankampani angamakhuku phose amane - 375 abukisayo. Amankampani la ngasuka kwamanye amazwe angaba ngamatshumi amathathu lanye agoqela awakwele Zambia, Malawi, Bostwana, South Africa, Burundi, Rwanda lamanye.
UNkosikazi Winnie Muchanuka umqondisi weZimbabwe Tourism Authority uqhubeka kahle umbukiso lo.
"Umbukiso wethu uqale kuhle lamhlanje koBulawayo silamankampani angu375 abukisayo lamazwe ayisithupha njalo kusasa sizasungula uhlelo lokuthi abantu bathengise amabhizimusi abo ebulenjini ezokwethekelwa."
Hlanganani/Sanganani Tourism Expo
UMnu. Vusumuzi Khobeni ongusomabhizimusi obukisayo ngaphansi kweSouth Africa uncoma abathengi abase Hlanganani/ Sanganai 2023.
"Umbukiso weHlanganai walonyaka usilethele abathengi abalohlonzi njalo uqake kuhle lamhlanje sikhangelele ukuba lebhizimusi elihle eZimbabwe. "
UNkosikazi Silibaziso Chinziwa obona ngezokutshala imali eZimbabwe Investment Development Agency uthi kusasa bazasungula okusemthethweni uhlelo lwabo olutsha olwebulenjini.
"Silapha njengeZIDA sibambisana leZimbabwe Tourism Authority ukusungula ebulenjini uhlelo lokuthengisa amabhizimusi okwethekela sijonge ukuhuga amankampani asemazweni ukuba bazotshala imali kulele.
Hlanganani/Sanganai Tourism Expo 2023
Umgcinisihlalo weZimbabwe Tourism Authority, uMnu Busisa Moyo, uthi inani labatshala imali selikhuphukile.
"Manengi amazwe atshala imali kuleli sesisedlula ibhiliyoni kumali esithe yatahalwa kuleli njalo sikhangelele ukuthi kubelabantu abanengi abazatshala imali kwezokwethekelela ezweni."
Ugatsha lukahulumende olubona ngomsebenzi wokwethekelelwa kwelizwe, lonyaka lusungule umbukiso wamankampani endizamtshina.
Abalolugatsha babika ukuba kusukela ngomnyaka ka2017 iZimbabwe yayilendizamtshina ezisuka kwamanye amazwe ezilitshumi lanhlanu lonyaka sezingamatshumi amabili lantathu. Bathi bakhangelele lokuthi inzuzo yemali ikhuphuke ngoba ngo2017 bathola ibhiliyoni eyodwa lonyaka sebethole amabhiliyoni amathathu. Inani lezethekeli bathi bakhangelele ukuba likhuphuke liye kuzigidi ezinhlanu lengxenye- 5,5 million.
UMbukiso weHlanganani/ Sanganai ulenhlelo ezehlukeneyo ezihambusana lombukiso okujonge ukukhulisa amabhizimusi njalo uyagqitshwa NgoMgqibeli.