UMongameli Joseph Biden uthi basekela eleIsrael empini eqhamuke ngoMgqibelo kulandela ukuhlaselwa kwelizwe leli yiHamas ebulele abantu abafika inkulungwane.
UBiden wethule amazwi la esigodlweni sikamongameli eWhite House ngoLwesibili lapho atshele umhlaba ukuba bazimisele ukunika eleIsrael izikhali lokunye okufunakalayo ngoba yibuthakathi obesabekayo obenziwe yiHamas, ebulele njalo abadabuka kwele Melika abalitshumi lane – 14.
Uthi okwenziwe yiHamas akulabuntu njalo kumele bejeziswe ngendlela ebuhlungu.
“Abantu abedlula 1,000 babulewe kubi. Bebulewe kubi sibili kwele Israel. Phakathi kwabo kulabadabuka eMelika abalitshumi lane. Abantu abadala babulewe kabuhlungu bezama ukuzivikela lokuvikela abantwana. Kusika isisu ukuzwa ngokwehlele abantwana ababulewe kabuhlungu. Imdeni iphelile.”
UBiden uthe uzacela idale leCongress ukuba lithathe inyathelo ngodaba lolu. Kazange atsho ukuba lizakwenzani idale leli njengoba kungela somlomo wedale leli.
Uphinde wathi ukhulumisane lomkhokheli wakwele Israel uMnu. Benjamin Netanyahu ngoLwesibili ngokwehlele eleIsrael. Umtshele ukuba akuthi akubamangalisa osekusenziwa ngele Israel elibhomba kakhulu ePalestine, lapho eliding khona iHamas.
Uthe kulabadabuka kwele Melika abathunjwe yiHamas ngakho-ke bafisa ukuba behlenge lababantu.
Okunye kudaba lolu sikuthole kwabezindaba abeReuters leAssociated Press