Inani labafileyo eIsrael kulandela ukuhlasela kweHamas selisedlula inkulungwane lamakhulu amabili (1 200), kweleGaza inani labantu abafileyo kulandela ukuphindisela kwe-Israel selisedlula inkulungwane (1 000).
Inhlanganiso yomanyano wamazwe omhlaba eye-United Nations yona ithi abantu abedlula inkulugwane ezingamakhulu amabili lengxenye (263 000) sebebalekele imizi yabo egaza.
Isikhulumeli sebutho le-Israel u-Lt Col Jonathan Concirus uthi balungiselela ukuhlasela ngendlela ezatshiya ibutho leHamas lingasela mandla okuthi lingenelisa ukuhlasela njalo izizalwane ze-Israel.
Ophethe uhlangothi lweMelika olubona ngokudlelana lamanye amazwe umnu Anthony Blinken ukhangelelwe ukuya e-Israel lombiko wokusekela leli lizwe.
Ekuhlaziyeni loludaba iStudio7 ixoxe lomnu Bekithemba Mhlanga oyingcwethi yezombusazwe. Umnu Mhlanga wayeyintathelizindaba elodumo eZimbabwe njalo usesebenzela eBhilithane.
Your browser doesn’t support HTML5
Ingxoxo loMnu Bekithemba Mhlanga