Ukulwisana phakathi kwele Israel labeqembu leHamas elePalestine sokubulalise abantu abedlula inkulungwane lengxenye (1,600).
Lokhu kuza ngalesi sikhathi lokhu kulwisana sokungene kulanga lesine ngoLwesibili.
Uhulumende weZimbabwe wethule umbiko izolo phansi kogatsha olubona ngokudlelana lamanye amazwe, ekhuthaza i-Israel leHamas ukuthi bamise ukulwisana njalo avumele abahlengi ukuthi baphathise labo abalimeleyo.
Isiphathamandla esibona ngokulondolozwa kwamalungelo oluntu kunhlanganiso yomanyano wamazwe uMnu. Volker Turk usole ukulwisana lokhu njalo wakhuthaza amacele amabili la ukuthi alondoloze ilungelo loluntu njalo abone ukuthi bonke abalimeleyo bayaphanga bathole usizo lokwelatshwa.
Ekuhlaziyeni loludaba iStudio 7 ixoxe loMnu. Raphael Mthombeni ocubungula ezombusazwe ezimele. Umnu Mthombeni ungumfundisi njalo engumqondisi wenhlanganiso ephathisa uzulu ukuthi athole amanzi ahlanzekileyo eye-Intuba Projects.
Your browser doesn’t support HTML5
Ingxoxo loMnu Raphael Mthombeni