Abacubungula ezombusazwe lezomnotho bathi ababoni ukuba impi ephakathi kwele Israel lePalestine izaphazamisa ezomnotho lokunye kwele Zimbabwe. Zithi eleZimbabwe lizaqhubekela phambili lidlelana kahle lePalestine eyancedisa ilizwe leli ngesikhathi lilwela uzibuse.
Okwamanje iPalestine ilesigodlo kwele Zimbabwe esisetshenziswa ukuvezela umhlaba imibono yabo kwezombusazwe. Kuthi-ke eleIsrael lithengisela eleZimbabwe impompi zokuthelezela emapulazi lokunye okokulima okukhuphula isivuno.
Ingcwethi lezi zithi kaziboni njalo lamafutha ezimota ekhuphuka okuzakwenza kukhuphuke intengo yempahla etshiyeneyo kwele Zimbabwe.
UMnu. Mqondobanzi Magonya, osebenza ezimele kwezemfundo kwele Bhilithane njalo ocubungula ezombusazwe, uthi eleZimbabwe limbhaxambili kulokhu okwenzakala phakathi kwele Israel lePalestine.
SEE ALSO:
Ingxoxo Esiyenze LoMnu. Mqondobanzi MagonyaUMnu. Rejoice Ngwenya okunhlanganiso yeCommon Market for Liberal Solutions, uthi akulanguquko ezakuba khona ngenxa yempi le uma kukhangelwa ezomnotho weZimbabwe kanye lamafutha ezimota.