Washington DC —
Amalunga edale lephalamende akubandla leCCC athi awazikhathazi ngenyathelo uhulumende athi uzalithatha ukubajezisa kulandela ukungayi kwabo kulelidale izolo umongameli Emmerson Mnangagwa esethula umbiko we State of the Nation Address ngoba besithi waqilibezela kukhetho olwedluleyo olwambuyisela esikhundleni.
UMnu. Prince Dubeko Sibanda, omela iBinga North kulelidale uthi abakhangeleli ukwamukela imali yama allowances bona bengayanga ephalamende njalo abasebenzisanga amawetela.
Utshele uSithandekile Mhlanga weStudio 7 ukuthi bazaqhubeka besiya edale lephamalemende ukuyamela abantu ababakhethayo kukhetho olwedluleyo ngoba munye umuntu abakade bengafuni ukumhlonipha ngokumsukumela ephalamende, okufanele bekwenze nxa ekhona umongameli Mnangagwa.