Your browser doesn’t support HTML5
Ingxoxo loMnu. Kudakwashe Munsaka
Kwesatshelwa ukuthi isikhwama esisanda sungulwa ese Mutapa Investment Fund sizasetshenziswa ukuhuquluza inotho yelizwe.
Icebo lokusungula lesi sikhwama laqala ngomnyaka ka 2012 kuze kubunjwe umthetho owawuthiwa yi Sovereign Wealth Fund of Zimbabwe.
Kodwa kusukela leso sikhathi lelicebo belingasebenzi kwaze kwaba mhla ka 19 September lapho uMongameli Mnangagwa ethula umthetho othiwa yi Statutory Instrument owazisa ukuba lelicebo selizathiwa yi Mutapa Investment Fund.
Lesi yisikhwama esibuthelela inotho yelizwe evela kwenjiwayo lezemvelo.
Okucunule abanye yikuthi yonke impahla ethengwa nguhulumende ayiseyidlula kugatsha lwe Procurement Board kodwa kulesi sikhwama.
Ngokunjalo abanye bathi kuzakuba lula ukuntshontsha ngoba impahla ethengwe kumbe ukutholwa nguhulumende ayisoze yaziwe nguzulu.
Sixoxe lengcwethi ecubungula ezomnotho uMnu. Masimba Kuchera saqala ngokumbuza ukuthi kahle-kahle yisinanakazana bani lesi esithiwa yi Mutapa Investment Fund?