Amalunga ebandla eliphikisayo ePhalamende yeMelika, elamaRepublicans ngoLwesine aqale uphenyo lwawo phezu kwamacala enkohlakalo athi engaba adalwa nguMongameli Joe Biden, aphathelane lamabhizimusi endodana yakhe uHunter.
Kodwa abebandla likaBiden elamaDemocrats bathi amaRepublicans ahlukuluza uBiden nje ngezombusazwe ngoba sokuke kwenziwa uphenyo olufanayo kwangatholakali lutho.
Oke waba nguMongameli weMelika uMnu Donald Trump laye uke wathonisiswa yiPhalamende ngamacala atshiyeneyo agoqela elokuphehla udlakela kodwa wavikelwa ngabebandla lakhe.
Olwela amalungelo oluntu njalo olandela ezombusazwe zeMelika uMnu Difa Dube utshele iStudio 7 ukuthi ngokuvulela uMongameli Biden uphenyo, amaRepublicans akhanya esephindisela phezu kokwetheswa kukaTrump amacala.
Your browser doesn’t support HTML5
Ingxoxo loMnu Difa Dube