Uhulumende weMelika ukhangelelwe ukuvala ezinye inhlangothi zakhe kusukela ebusuku ngoMgqibelo ngoba esephelelwe yimali yokusebenzisa.
Imbangela yalokhu yikudonselana okukhona edale lePhalamende phakathi kwamalunga ebandla elibusayo elamaDemocrats lelamaRepublicans.
Amanye amaRepublicans avimba ukupasiswa kwesikhwama semali emele isetshenziswe nguhulumende phakathi kwenyanga ezayo kusiyafika ngo2024 esithi inengi kakhulu limali.
I-Phalamende ingehluleka ukuvumelana phakathi kwangoLwesihlanu lakusasa kungakabi phakathi kwamabili, izisebenzi zikahulumende ezinengi zizamiswa umsebenzi futhi zizaze ziyebhadalwa nxa sokube lokuvumelana uhulumende esevuliwe.
Isizalwane seZimbabwe esihlala eMelika uMnu Tim Muringai utshele iStudio 7 ukuthi ukuvalwa kukahulumende kuazaphazamisa kakhulu inhlelo ezinengi zikahulumende weMelika.
Your browser doesn’t support HTML5
Ingxoxo loMnu Tim Muringai