UMnu. Nelson Chamisa uthi uzimisele ukukhulumisana loMongameli Emmerson Mnangagwa ngokumele kwenziwe kwele Zimbabwe kulandela ukuqhutshwa kokhetho athi lwebiwa libandla leZanu PF.
UChamisa utshele umsakazo weStudio 7 ngoMvulo ukuthi kumele kube lohulumende ozimeleyo hatshi owomanyano.
Uthi kafuna lakuzwa kancane ngohulumende onjengo lowo owabunjwa ngumuyi uMorgen Tsvangirai, umuyi uRobert Mugabe lowayengumongameli wele Zimbabwe umuyi uRobert Mugabe labanye ngomnyaka ka2009
UMnangagwa uthi uzasebenza lamabandla anqotshwe kukhetho phansi kwenhlanganiso ye-Political Actors Dialogue.
Ekhuluma emhlanganweni omkhulu we-united nations general assembly ngeviki ephelileyo, umnangagwa uthe elezimbabwe laqhuba ukhetho olukhululekileyo.
Ibandla leCCC lithi uMnangagwa weba ukhetho ngoNcwabakazi.