Idale labaphathintambo bakahulumende elitsha, eleCabinet, lizahlangana okwakuqala ngoLwesibili ngemva kokhetho olwenziwe ngenyanga edluleyo olulempumela ephikiswa libandla leCCC.
Ihofisi kaMongameli Emmerson Mnangagwa yethule umbiko isazisa abaphathintambo ukuthi umhlangano lo uzaqala ngehola lesitshiyagalolunye ekuseni, ngo-9 o’clock.
Abaphathintambo laba baqala umsebenzi ngesikhathi ilizwe libhekane lenkinga ezinengi ezigoqela ukubhidlika komnotho, ukusilela kwamandla kagetsi lokudula kwezinto osokulethele uzulu weZimbabwe ukudubeka okukhulu.
Ocubungula ezombusazwe njalo ekhokhela inhlanganiso emela abathengi eyeNational Consumer Rights Association, uMnu Effie Dlela Ncube utshele iStudio 7 ukuthi kaboni iCabinet le iletha inguquko empilweni zabantu ngoba ibandla leZanu PF kuyilo elilokhe libusa futhi libhekane lenkinga osokukudala lehluleka ukuzilungisisa.
Your browser doesn’t support HTML5
Ingxoxo loMnu Effie Dlela Ncube