Inhlanganiso elwela amalungelo entathelizindaba eyeMiSA Zimbabwe iphakathi kohlelo lokufundisa umphakathi labethula izindaba, ngobubi bokuhambisa imibiko engamanga.
Lolu hlelo lwemihlangano yemfundiso lwensuku ezimbili oluqhutshelwe koBulawayo.
MISA Zimbabwe Bulawayo workshop
Obona ngokuqhutshwa kwaloluhlelo eMisa Zimbabwe, ubuhlebenkosi Tshabangu-Moyo uchasisa kabanzi ngalo.
"Sananzelela ukuba ukuhanjiswa kwemibiko engamanga ikakhulu enkundleni zokuxhumana ebulenjini ziya zisanda sasungula uhlelo lokuzama ukulimukisa uzulu jikelele ngokuqhuba lezinhlelo ezweni jikelele sakwenza ukhetho lungakabikhona sesiphendukile njalo ukulimukisa uzulu ngoba uhlupho lolu lumemetheka ngokuphangisa ezweni."
Intathelizindaba engene umhlangano wemfundiso lo, uMandla Tshuma uthi abakufundileyo kubavule amehlo kwezinye izinto ababengazinanzelele.
MISA Zimbabwe Bulawayo workshop
"Esikufunde lamhlanje ngeFact Checking leMisinfirmation leDisinformation kuzangincedisa ekubhaleni kuhle indaba lokuhlolisisa ukuba zimqotho."
UNkosazana Sukoluhle Mhlanga isakhamuzi sakoBulawayo ongene kumfundiso yamalanga amabili uthi iqakathekile.
"Siphuma kukhetho kunengi esesithe sakubala okungamanga ngakho siyayibonga imfundiso yalamhlanje ngoba isivule amehlo."
Osakhulayo webandla leZAPU uMnu Nigel Ndlovu laye ongene imfundiso yalamuhla uncoma uhlelo lweMisa Zimbabwe.
"Singene kumfundiso enhle kakhulu lapho esifunde kabanzi ngokunanzelela imibiko engamanga njalo ayakhi sizwe."
MISA Zimbabwe Bulawayo workshop
Osakhulayo webandla leZanu- PF uMnu Admire Masikati uvumelane loNdlovu.
"Uhlelo lweMisa-Zimbabwe luqakathekile ezweni ngoba ungananzelela inengi liyakholwa elikubalileyo kumbe elikuzwe ebulenjini kukanti okunengi kwakhona kungamanga."
"Siyabonga imfundiso esiyithole eMisa Zimbabwe ngodaba lokuhanjiswa kwemibiko engamandla sifunde indlela zokuhlola ukuba imibiko iqotho singakayidluliseli phambili kumbe ukukhuluma ngayo sensation iliqjniso."
MISA Zimbabwe Bulawayo workshop
Ngesikhathi eleZimbabwe liqhuba ukhetho kunyanga edluleyo, langaphambilini kwalo lalapho luqhutshwa lamanje selwedlule, kubikwa bekusabalaliswa imibiko engamanga ikakhulu ngalezi nsuku sokwanda indlela zokuthola limbiko enkundleni ezinengi ezokuxhumana, ezebulenjini sokungasamelelwa imisakazo loba amaphephandaba, inengi lingananzeleli ukuthi ingamanga okudale ukuba iMisa Zimbabwe iphume lohlelo lokulimukisa uzulu.
Your browser doesn’t support HTML5
Odaba lweMISA olwethulwa nguAnnastacia Ndlovu