UMongameli Emmerson Mnangagwa weleZimbabwe uthi uhulumende wakhe uzinikele ekulwiseni umkhuhlane wesifuba oweTubercolosis okwenze wenelisa ukwehlisa inani labantu ababulawa ngumkhuhlane lo eZimbabwe.
Ukhulume lokhu esemhlanganweni obona ngokulwisana lomkhuhlane wesifuba oweTubercolosis phansi komhlangano omkhulu owe-United Nations General Assembly oqhutshwa eNew York eMelika.
Uthe uhulumende wakhe uqakathekisa ukulwisa umkhuhlane weTB osekwenze ukuthi ilizwe lakhe likhutshwe kumazwe angamatshumi amabili lamabili akhangelane lodubo olukhulu lolu.
“Njengohulumende weZimbabwe sizinikele ekumiseni umkhuhlane weTB. Sesenelisa ukwelapha umkhuhlane lo ezabelweni zonke zelizwe.”
Umhlangano weUnited Nations General Assembly oqale ngomvulo ukhangele indaba ezitshiyeneyo ezigoqela ukuvikelwa kwabohulumende bentando kazulu, ukuthula, ukuguquka komumo womkhathi phakathi kokunye.
Your browser doesn’t support HTML5
Udaba lokwenzakale emhlanganweni weUNGA 2023