UMayor wakoBulawayo uMnu. David Coltart usecele uhulumende ukuba ancedise leli dolobho ekudonseni amanzi esuka edamu leInsiza esiwa lapho ahlanjululwa khona eNcema Water Works, kuphindwe kwakhiwe impompi ezadonsa amanzi esuka edamu leInsiza esiwa eInyankuni.
USenator Coltart ubike ukuba uhlelo lokwakhiwa kweGwayi- Shangani bayalwamukela kodwa olweInsiza lulakho ukuphangisa.
U-Mayor Coltart wenze lesi sicelo emhlanganweni wabosomabhizimusi oqoqwe ngabogatsha lukahulumende olubona ngezamafekithali koBulawayo NgoLwesine.
Business meeting in Bulawayo
U Coltart uchasisa kabanzi ngalesi sicelo sedolobho lakhe.
"UBulawayo ubhekane lodubo lwamanzi njalo abezomumo womkhathi bathi umnyaka wezulu esiyakuwo uzabe ulezulu elilutshwane njalo sivele sesigavunela izakhamizi amanzi kodwa besilesicelo kuhulumende ukuba asincedise ekudonseni amanzi asedamu leInsiza ezinceda uBulawayo ngoba okwamanje ukuphela kweGwai- Shangani kukhatshana kodwa okokudonsa amanzi aselnsiza kulula. "
lsakhamuzi sakoBulawayo uMnu Paul Sixpence uyasisekela lesi sicelo sikaColtart.
"Umbono oyethulwe nguMayor lekhansili siyawamukela ngoba idolobho livele libhekane lesomiso izakhamizi azilamanzi bayagavunelwa."
UMnu Prosper Ngwenya esiyne njalo isakhamuzi sakoBulawayo laye upha umbono wakhe ngokudonswa kwamanzi edamu leInsiza.
"Idolobho lethu libhekane lodubo lwamanzi njalo kungumbono omuhle oyethulwa yikhansili sikhangelele ukuba uhulumende abancede kuhlelo lwabo lobanje sekuleminyaka uhulumende esehluleka ukunceda uBulawayo ngodubo lwamanzi."
Umphathintambo wamabhizimusi lamankampani, uNkosikazi Sithembiso Nyoni, uthembise ukusebenza loMayor wakoBulawayo lomphathintambo walelidolobho ukulithuthukisa.
"Ngiyathembisa ukuthi ngizakubaliseko lenu ngisebenze loMfowethu uMayor uDavid Coltart lomphathintambo walelidolobho uNkosikazi Judith Ncube ukuze sincedisane ekuvuseleleni idolobho lethu yebo ngiyindodakazi yalapha lami ngizasebenza ndawonye Lani ekugcwaliseni konke elikutsho lamhlanje ngoba kusiyafika umnyaka ka2030 kumele sibesesithuthukile njengelizwe."
Okwamanje izakhamizi zakoBulawayo zibhekane lodubo lwamanzi ayavalwa okwamalanga amathathu kuthi amankampani amanengi lawo athi kunzima ukuzotshala imali kulelidolobho ngenxa yaloludubo lwamanzi.
Your browser doesn’t support HTML5
Udaba lokuswelakala kwamanzi koBulawayo olwethulwa ngu Annastacia Ndlovu