Abaphikisayo bathakazelela okwethulwe nguMongameli Cyril Ramaphosa otshele umsakazo weSouth African Broadcasting Corporation ukuthi inhlanganiso yeSouthern African Development (SADC) Community izakwenza umhlangano kusikhatshana esilandalayo lapho okuzahlolisiswa impumela yokhetho oluqhutshwe eZimbabwe ngoNcwabakazi lonyaka.
URamaphosa uthi eleZimbabwe labhekana lobunzima ekuqhubeni ukhetho lwamakhansila, amalunga edale lephalamende lolukamongameli.
UMongameli Emmerson Mnangagwa namuhla utshele umhlangano weUnited Nations General Assembly ukuba ukhetho lolu lwalukhululekile.
Abaphikisayo bathi kumele kwenziwe olunye ukhetho lonyaka. Ukuze sizwe okunengi ngodaba lolu, sixoxe loSenator Nonhlanhla Mlotshwa owebandla leCitizens Coalition for Change loMnu. Joseph Tshuma, okudale leCentral Committee kubandla leZanu PF.
UNkosazana Mlotshwa uthi kunengi okungenziwanga kahle ngesikhathi sokhetho kwele Zimbabwe.
Kodwa uMnu. Tshuma uthi bayazenzisa okumangalisayo abakubandla leCCC.
SEE ALSO:
Ingxoxo Esiyenze LoSenator Nonhlanhla Mlotshwa loMnu. Joseph Tshuma