Amalunga eCCC ayisithupha, agoqela amalunga edale lephalamende amabili, lamakhansila amabili, bamiswe phambi komthethwandaba kamantshi oweWestern Commonage koBulawayo Ngolwesihlanu, besetheswa amacala okuphazamisa ukuthula kanye lokwephula imithetho ephathelane lokhetho.
Umtshutshisi utshele umthethwandaba ukuba mhlaka-16 ngenyanga edluleyo, uMnu. Ostallos Siziba labanye abasolwa abathi uAlderman Earnest Rafomoyo, uTendai Masocha, uKhansila kaWard 20, uSimbarashe Dube loKhansila kaWard 13, uLovewell Mwindwe, badabula amaphepha omkhankaso kaNkosikazi Soneni Moyo, okulicala lakuqala.
Members of CCC in court in Bulawayo
Icala lesibili ngelokuthi bathethisa uMaMoyo, sebelelunga ledale lephalamende uSurrender Kapoikulu, ngalokho bephula umthetho weCriminal Law Codification and Reform Act.
UNkosikazi Moyo uzithi ungowebandla leCCC lanxa nje lelibandla lisithi alimazi.
UMantshi uProgress Murandu udlulisele ukuthonisiswa kwalelicala ekupheleni kwalinyanga mhlaka 29.
Igqwetha labasolwa, uMnu Tinashe Runganga uchasise okunengi ngecala lakuqala.
“Ngimele uSiziva labanye bakhe abayi 4 kubikwa babehamba bevala amaposter kaSoneni ngawakhe ngeke ngitsho okunengi ngaloludaba ngoba siyaphenduka edale mhlaka 29 September."
Kucala lesibili umtshutshisi utshele uMantshi ukuba Mhlaka 11 Ncwabakazi, abasolwa laba, baya emasangweni omuzi kamamangala bafika bamthethisa.
Members of CCC in court in Bulawayo
URunganga uqhubeke echasisa ngokubhekane loSiziba, yena owetheswa elinye njalo icala lokubangela udlakela emdlalweni wenguqu phakathi kweqembu leHighlanders leleDynamos, elilokhe lisaphenywa.
“Ngokuthethisa umamangala njalo ngokufanayo ngeke ngitsho okunengi ngoba siyaphenduka njalo edale. Lelicala amapholisa athi lokhe esaliphenya lelicala lodlakela ebholeni ngokunjalo sesicele idale ukuba lisidingele ubufakazi obukhombisa ukuba uSiziba wayengaphi kusenzakala amacala wonke abhekane lawo."
Umamangala utshele intathelizindaba phandle komthethwandaba ukuthi ufuna abasolwa bejeziswe kanzima.
"Silapha ngendaba kaOstallos wafika wangithethisa elabanye babethole kulabantwana ababesebezivalele endlini ngancedwa ngumakhelwane ngilobufakazi njalo lokhe bengithethisa siphuma edale balodlakela bathunywa nguOstallos."
Western Commonage Magistrate Court
Abasolwa bonke abangamalunga eCCC batshelwe ukuba kumele baphenduke ukuzathonisiswa ngelanga elifanayo mhlaka 29 kuMpandula.
UNkosikazi Soneni Moyo loNkosazana Sibongile Ndlovu ngomamangala njalo bengabafakazi bekucele likahulumende.
Your browser doesn’t support HTML5
Udaba lokuthonisiswa kwamalunga aweCCC siluphiwa nguAnnahstacia Ndlovu