Ummeli weSunnigdale edale lephalamende njalo elilunga leCCC uNkosazana Maurine Kademaunga ukhangelelwe ukumiswa enkantolo namuhla labanye bakhe ababili abotshwe labo izolo besetheswa icala lokuzama ukubulala.
Amapholisa athi uKademaunga lokhansila kaWard 10 eHarare uClayd Mashozhera kanye loDaudi Jessub, badala lelicala ngelanga lokhetho baphinda badiliza impahla yomnikazi, okungelinye njalo icala abaletheswayo.
Ukubotshwa kwabathathu laba kuza ngesikhathi amapholisa edinga njalo isikhulumeli seCCC uMnu Promise Mkhwananzi, esithi ulamacala awadala ngo2019 alokhe emelele.
Ilunga leCCC uMnu Job Sikhala, laye wabotshwa nyakenye esalilunga lephalamende esetheswa icala lokutshotshozela udlakela njalo sokwedlule umnyaka elokhe evalelwe.
Sixoxe lelunga leCCC uMnu Tim Muringai, osole kakhulu ukubotshwa kukaMademaunga labanye bakhe.
Your browser doesn’t support HTML5
Ingxoxo loMnu. Tim Muringai.