UMnangagwa Ufaka Izihlobo Kudale Leziphathamandla Zikahulumende
UMongameli Emmerson Mnangagwa usekhethe amalunga amatsha edale leCabinet labasekeli babo, abagoqela izihlobo zakhe.
UMnangagwa ukhethe uMnu. Mthuli Ncube ukuba ngumgciningcebo kahulumende, wasusa uMnu. July Moyo, owayekhokhela uhlangothi olubona ngezamadolobho wamfaka kuhlangothi olubona ngezisebenzi.
UMnangagwa ukhethe izihlobo zakhe, uMnu. Tongai Mnangagwa loMnu. Tongai Mnangagwa ukuba babe ngabasekeli babaphathintambo benhlangothi ezitshiyeneyo. Wethule lokhu namuhla eHarare. UMnangagwa uthe ulethemba lokuba abaphathintambo abafakileyo bazamcedisa ekuqhubeni imisebenzi kahulumende.
Uqhubeke esithi uzaphendukisa umanyano wamabandla anqotshwa kukhetho lonyaka owePolitical Leaders Dialogue.
Abatsha abakhethwe ukuba bekhokhele inhlangathi zikahulumende bagoqela uNkosikazi Barbara Rwodzi, ophethe ugathsa olubona ngezokwethekelelana kwelizwe. Abanye njalo abaphathintambo bakahulumende abatsha nguMnu Christopher Mutsvangwa, ophethe ugatsha lwendaba zabalweli benkululeko, umphathintambo wezabatsha uMnu Tino Machakaire, loMnu Douglas Mombeshora, ozakhokhela ugatsha lwempilakahle.
UMnu. Msongelwa Ndlovu, isikhulumeli sebandla leZapu, uthi akutsho lutho okwethulwe nguMnangagwa.
UMnangagwa ubike njalo ukuthi uMnu Jenfan Muswere uzakhokhela ugatsha lokukhitshwa kwemibiko, uNkosikazi Monica Mutsvanga, obephethe uhlangothi lokuthulwa kwemibiko usekugatsha olubona ngezabesifazana.
Imfundo yaphezulu lokhe ikhokhekhelwa nguSikhwicamfundo Amon Murwira kuthi olwezemvelo luphethwe nguMnu Nqobizitha Ndlovu kweze mvelo.
UMnangagwa ubisele abanengi akade bekudale leCabinet kungakenziwa ukhetho abathi uMnu. Frederick Shava, uMnu. Ziyambi Ziyambi, uNkosazana Kirsty Coventry, uNkosikazi Oppah Muchinguri Kashiri labanye. Abanye abantu bathi akulanguquko ekudale leli.