Ibandla leCCC Liqhubekela Phambili Likhala Ngokhetho Olusanda Kwenziwa Kwele Zimbabwe

WASHINGTON — 

Ibandla leCitizens Coalition for Change (CCC) lithi likhulumisana lomanyano weSouthern African Development Community (SADC) ngokhetho olusanda kuqhutshwa kwele Zimbabwe.

UMnu. Felix Magalela Mafa, umsekeli wesikhulumeli sebandla leCCC, uthi bakhangelelwe ukuba iSADC izabancedisa kudaba lwabo lokhetho abathi kaluqhutshwanga ngemfanelo.

UMafa uthi bazamelela okuzakwethulwe yiSADC kusikhatshana esizayo.

Inhlanganiso yeSADC, eyeAfrican Union le-European Union bethula imibiko ethi ukhetho olwaqhutshwa mhlaka 23 Ncwabakazi lomnyaka kalwenziwanga ngemfanelo.

SEE ALSO:

Ingxoxo Esiyenze LoMnu. Felix Magalela Mafa

Kodwa uMnu. Tafadzwa Mugwadi, obephethe uhlangothi olubona ngokwethulwa kwemibiko kubandla le-ZANU PF, uthi akulabufakazi obuveza ukuthi ibandla leZanu PF latshontsha ukhetho njalo lokuthi eleCCC selizakwethula udaba lolu emthethwandaba.

UMugwadi uthi abaphikisayo bemukela impumela yokhetho lwamalunga edale lephalamende lama khansili kodwa kabazange bevume ukuthi uMongameli Emmerson Mnangagwa wakhethwa okusemthethweni.

SEE ALSO:

Ingxoxo Esiyenze LoMnu. Tafadzwa Mugwadi

Kusenjalo, osanda kukhethwa ukuba nguSenator esabelweni seMatabeleland South, uNkosazana Nonhlanhla Mlotshwa, uthi uzasebenzela uzulu.

UNkosaqzana Mlotshwa uthi inhlelo lezi zigoqela ukulungiswa kwemigwaqo, ukwakhiwa kwama kilinika lokunye.

SEE ALSO:

Ingxoxo Esiyenze LoNkosazana Nonhlanhla Mlotshwa