Bekungabizwa ozwayo koBulawayo ngoMgqibelo kunanzwa usuku lwenkosi yaMaNdebele, olweKing Mzilikazi Day.
Lolusuku lunanzwa minyaka yonke ngelanga uMzilikazi atshona ngalo, mhlaka 9 Mpandula kumbe ngoMgqibelo oduzane lalelilanga.
Emkhosini lo abantu bebegqoke imvunulo eveza okwesiko labo, behlabela begiya ingoma zendulo. Izinduna zethule imibiko eqakathekileyo ekhuthaza ukulondolozwa kwesiko lesintu.
UMnu Mbuso Fuzwayo, ongunobhala wenhlanganiso elwela amalungelo oluntu eye-Ibhetshu Likazulu, uthe usuku lolu luqakatheke kakhulu.
“Usuku lolu luqakatheke kakhulu emaNdebeleni, njalo abantu bayaluqakathekisa ngoba lubapha ithuba lokukhumbula inkosi yabo eyenelisa ukumanyanisa isizwe. Lonyaka sibuthane eMhlahlandlela saqala uhambo lwamakhilomitha angamatshumi amabili lambili sinanza lolusuku.”
Mzlikazi Day 2023 - Bulawayo
Usuku lweMzilikazi Day lunanzwe ngempelasonto edluleyo eMelika, emkhosini oqhutshelwe esigabeni seOklahoma.
Lolusuku luzananzwa njalo mhlaka 23 kuyonale inyanga eUnited Kingdom.
Your browser doesn’t support HTML5
Udaba lweMzilikazi Day olwethulwa nguTaboka Ncube