Obengumcebisi kaMongameli Emmerson Mnangagwa kundaba zamalungelo abantu abakhubazekileyo njalo owake waba nguMeya wakoBulawayo uDr. Joshua Malinga kasekho.
UMalinga ubhubhele emzini wakhe eRichmond, koBulawayo, ngoLwesihlanu eseleminyaka yokuzalwa engamatshumi ayisikhombisa lasitshiyagalolunye, 79.
Utshiye umkakhe labantwana abalitshumi. Abantu babuthene emzini wakhe kuHouse Number 1 Brooke Road, Richmond, koBulawayo.
Umufi ubedume kakhulu ngokulwela amalungelo abakhubazekileyo eZimbabwe.
Ekhuluma ngembali kaMalinga, owake wasebenza laye, uMnu Joseph Nkomazana owenhlanganiso emela izakhamizi, eyeBulawayo Progressive Residents Association, uthe uMalinga ubeyindoda emadodeni.
“Umuyi wasebenza kakhulu enguMeya wedolobho lakoBulawayo, wawungeke utsho ukuthi ngumuntu okuwheelchair. Waphathisa njalo kakhulu abantu abakhubazekileyo elizweni emela amalungelo abo.”
Kusenjalo owayeyinduna yamazulu, njalo owayephatheke kwezombusazwe kwele South Africa, unduna Mangosuthu Buthelezi kasekho.
UMangosuthu ubhubhe ngoMqgibelo ekuseni, eseleminyaka engamatshumi ayisitshiyagalo lunye lanhlanu -95, yokuzalwa.
Waduma kakhulu kwezombusazwe ngokubumba elakhe ibandla lezombusazwe elamazulu ele-Inkatha Freedom Party, ngesikhathi sombuso wobandlululo wabamhlophe owe-Apartheid kwele South Africa.
Your browser doesn’t support HTML5
Udaba lokufa kuka Dr Malinga olulo Taboka Ncube