Isikhulumeli sebandla eliphikisayo eleCCC uMnu Promise Mkhwananzi uthi usebalekile eZimbabwe ngemva kokuba amapholisa ethule umbiko izolo esithi ayamdinga ndawonye labanye ababili njalo esithi ozawatshela ukuthi abasolwa laba bangapho uzaphiwa umvuzo wenkulungwane yamadola eMelika, iUS$1,000.00.
Isikhulumeli samapholisa uMnu Paul Nyathi uthi uMkhwanazi ulamacala amabili awadala ngomnyaka ka2019 alokhe engakapheli ukuthethwa ngoba wekela ukuya enkantolo.
Uthi njalo abanye abasolwa ababili, uClayd Mashozhera loNoel Munhuweyi, bona abetheswa icala lokutshisa imota yomnikazi eHarare ngosuku lokhetho.
UNyathi uphinde wafaka imikanekiso yabasolwa enkundleni eTwitter. Kodwa uMkhwananzi, laye eloba kuTwitter, uthe usebalekile waya elizweni angalivezanga.
Uthe amacala awetheswayo alahlwa yinkantolo kudala, ngakho uthe uyahlukuluzwa nje kuphela nguhulumende weZanu PF ngoba ekhulumela iCCC njalo esola indlela okwenziwa ngayo ukhetho.
UMkhwananzi kadobhanga ucingo lwethu njalo kaphendulanga imibuzo esimthumele yona. Sixoxe lelunga leCCC uMnu Felix Magalela Mafa Sibanda.
Your browser doesn’t support HTML5
Ingxoxo loMnu. Felix Magalela Mafa Sibanda.