Kulabantu abathi uMongameli Emmerson Mnangagwa kumele akhulumisane lamabandla aphikisayo ukuze enelise ukuqhuba inhlelo ezitshiyeneyo ezizanceda uzulu kulandela ukugcotshwa kwakhe izolo.
Kulabanye njalo abathi kumele aqhubekele phambili ebusa kwele Zimbabwe ngoba uvotelwe ngabantu abanengi.
Omunye wabathi kumele uMnangagwa akhulumisane labaphikisao nguMnu. Nhlanhla Moses Ncube, unobhala jikelele wenhlanganiso yeFreedom Alliance.
Kodwa uMnu. Kuda Munsaka, okubandla leZanu PF njalo lakunhlanganiso yeForever Associates Zimbabwe, uthi uMnangagwa uzakwenzelisa ukubusa kahle kungakenziwa olunye ukhetho lukamongameli.
UMnu. Fortune Mlalazi, okubandla leCitizens Coalition for Change, uthi uMnangagwa kasoze aguqule lutho kwele Zimbabwe.
Kulabanye abalombono lo abathi umnotho uzaqhubekela phambili ubhidlika. UMnu. Thabang Nare, olandela ezombusazwe ekwele Melika, uthi umhlaba wonke jikelele uyakwazi okwenzakale eZimbabwe.
UNare uphinde wathi kukhanya engani inhlanganiso ezinjengeye African Union seziphelelwe ngamandla ngokwenzakala kwele Zimbabwe.
Akwaziwa ukuba kuzakwenzakalani eZimbabwe kusekela izolo uMnangagwa agcotshwa ukuba ngumongameli okweminyaka emihlanu abaphikisayo besithi watshontsha ukhetho.
SEE ALSO:
Udaba Esilwethulelwe NguGibbs Dube