Sebelungiselela Ukugcoba uMnangagwa Abaphikisayo Besithi Ugida Eziqakezela

WASHINGTON — 

Kukhangelelwe ukuba uMongameli Emmerson Mnangagwa uzagcotshwa kusasa enkundleni yemidlalo eNational Sports Stadium loba abaphikisayo besithi ibandla leZanu PF latshontsha ukhetho.

Uhulumende uthi kukhangelelwe ukuba kuzakuba labantu abanengi emcimbini lo, okugoqela uMongameli Cyril Ramaphosa wakwele South Africa, uMongameli Felix Tshisekedi wakwele Democratic Republic of Congo, uMongameli Filipe Nyusi wakwele Mozambique labanye.

Ibandla leCitizens Coalition for Change elikhokhelwa nguMnu. Nelson Chamisa lithi kalilandaba lokwenziwa nguMnangagwa, ozigcoba engelanhloni.

UMnu. Joseph Tshuma, okudale leZanu PF Central Committee, uthi abakubandla leli kumele bebekwazi ukuba selidume ledlula.

SEE ALSO:

Ingxoxo Esiyenze LoMnu. Joseph Tshuma

Abakubandla leCCC batshaya phansi ngenduku besithi sebekhulumisana lenhlanganiso yeSADC ngokwenzakala kwele Zimbabwe.

UMnu. Promise Mkhwanazi, ophethe okwamanje isikhundla sesikhulumeli sebandla leli, uthi uMnangagwa ugida eziqakezela.

SEE ALSO:

Ingxoxo Esiyenze loMnu. Promise Mkhwanazi

UMnu. Bekithemba Mhlanga, ingcwethi kwezombusazwe ezimeleyo, uthi abantu bafuthelene kwele Zimbabwe kulandela ukhetho olusanda kuqutshwa.

SEE ALSO:

Ingxoxo Esiyenze LoMnuBekithemba Mhlanga

Umanyano weSADC, oweEuropean Union lezinye inhlanganiso ezizimeleyo bakubeka sobala ukuba ukhetho lweZimbabwe aluqhutshwanga ngemfanelo.