Ingcwethi kwezenotho zithi ilizwe akufanelanga lidlalise imali lisiya emthethwandaba kodwa kufanele lidinge indlela zokukhulumisana labantu elibakweledayo.
Lokhu kuza ngemva kokuba umthethwandaba weleMelika ulahle isicelo seZimbabwe esokuthi ingabhadali inhlawulo ye US$440.3 million okufanele ihlawule imuli zeGermany leSwitzerland ezathathelwa umhlabathi uphiwa abensundu.
Imuli lezi zaziphiwe isinqumo sokuthi zibhadalwe yinhlanganiso ephathisa abathathelwe impahla yabo eye International Centre for Settlement of Investments Disputes.
Lokhu kuza ngesikhathi amabhizimusi ebhekane lobunzima ngenxa yokungahlaliseki komumo wezombusazwe eZimbabwe.
UTaboka Ncube ukhulume lengcwethi yezenotho, uMnu. Masimba Kuchera wasipha udaba olulandelayo.
Your browser doesn’t support HTML5
Ingxoxo loMnu Masimba Kuchera