Ezinye ingcwethi ezicubungala ezemithetho zithi imthethwandaba ilamandla owokunquma ukuthi ukhetho luqhutshwe kutsha lanxa khomishini ebona ngokuqhutshwa kwalo eyeZEC isiyethule uluhlu lwamabizo alabo ababikwa benqobe kulo ebhukwini le National Gazzette, okutsho ukuthi sokusemthethweni ukuthi ngempela yibo abakhethiweyo.
Ibandla eliphikisayo eleCitizens Coalition for Change liyayiphikisa limpumela, lisithi ukhetho belungakhululekanga njalo lifuna luqhutshwe kutsha.
Umanyano weSADC lowe African Union, lamazwe aphetsheya lawo agcizelele ukuthi ukhetho aluqhutshwanga ngemfanelo.
Amabizo ethuliweyo agoqela elikamongameli Emmerson Mnangagwa, amalunga edale lephalamende le senate, lawezindunda zomdabu.
Ukuhlaziya loludaba, uSithandekile Mhlanga weStudio 7 uxoxe loMnu. Nqobani Sithole, ingcwethi ecubungula ezemithetho njalo oseke wamangalela uhulumende emthethwandaba ngendlela ukhetho oluqhutshwa ngayo.
Your browser doesn’t support HTML5
Ingxoxo loMnu. Nqobani Sithole.