Ibutho le Gabon eCentral Africa lithi selihluthunele umongameli Ali Bongo walelolizwe umbuso ngoba lisithi ukhetho olusanda ukuqhutshwa lapho anqobe khona belungakhululekanga njalo uhulumende wakhe kahloniphi ilungelo loluntu.
Ibutho leli lethule umbiko lo kumabonakude walelolizwe lisithi selivalele umongameli Bongo endlini.
Ubesebuse okweminyaka elitshumi lane njalo wathatha umbuso kuyise uOmar Bongo owayesekhokhele eleGabon okweminyaka engamatshumi amane lambili.
Kuzwakale ukukhala kwemibhoobho esigodlweni seGabon eseLibreville njalo abantu babikwa begcwale ezitaladini bethabele ukususwa kukamongameli Bongo embusweni. Ukuhlaziya loludaba, uSithandekile Mhlanga weStudio 7 uxoxe lengcwethi ecubungula ezombusazwe uMnu. Benard Ndlovu.
Your browser doesn’t support HTML5
Ingxoxo loMnu. Benard Bhekilizwe Ndlovu