Ibandla eliphikisayo eleCCC lithi selisungula umkhankaso wokugqugquzela ukuthi kwenziwe ukhetho olutsha eZimbabwe ngoba olwenziwe ngeviki edluleyo lwaba lokuqilibezela okwadala ukuthi kunqobe ibandla leZanu PF.
Isikhulumeli seCCC uMnu Promise Mkhwananzi, leloba enkundleni yeX, uthe umkhankaso lo uzaqhutshwa phakathi kwamaviki amane alandelayo njalo uthi uzulu kumele aphatheke ngokugcweleyo.
I-CCC ithi ukhetho olutsha kumele luphathwe zinhlanganiso zamazwe aseAfrica ezibalisa eyeSADC leyeAfrican Union.
Amaqula enhlanganiso zombili ayeseZimbabwe ngesikhathi salolukhetho athi aluqhutshwanga ngemfanelo.
Ingcwethi ehlaziya ezombusazwe izimele uMnu Rejoice Ngwenya, ongumholi wenhlanganiso yeCoalition for Market and Liberal Solutions, uthi iCCC kumele iqale ngokukhweza izikhalazo zayo emthethwandaba ingakaze ithathe amanye amanyathelo.
Your browser doesn’t support HTML5
Ingxoxo loMnu Rejoice Ngwenya