UMnu. Nelson Chamisa, umkhokheli webandla eliphikisayo eleCitizens Coalition for Change, uthi luyayangisa ukhetho oluqhutshwe eZimbabwe, okunqobe uMongameli Emmerson Mnangagwa, othi uzimisele ukusebenza labanqotshiweyo.
Ekhululuma esesigodlweni sikamongameli eState House namuhla, uMnangagwa uthe ulakho ukusebenza labaphikisayo uma bengangena kumanyano wePolitical Actors Dialogue, ayibumba kusanda kuqhutshwa ukhetho ngomnyaka ka2018.
Ekhuluma lentathelizindaba eHarare namuhla, uChamisa uthe kabayamukela impumela yokhetho olwachothozwa yinhlanganiso yomanyano weSouthern African Development Community lezinye, ezazihlola ukuqhutshwa kokhetho lolu.
UMnangagwa unqobe ngokwedlula kancane okungamatshumi amahlanu ekhulwini - 52.6% kwathi uChamisa wathola amavoti ayisilinganiso sokungamatshumi amane lane ekhulwini - 44.0%. Ibandla leZANU PF lithole abameli bedale lephamende abedlula kancane ikhulu lamatshumi amathathu - 136 kwathi eleCCC lathole abameli abangamatshumi ayisikhombisa lantathu - 73. Ibandla leZanu PF lithi lidaniswe yikuthi kalisatholanga isilinganiso sabameli bedale lephalamende okungenza beguqule isisekelo sombuso santando. UMnu. Chris Mutsvangwa, isikhulumeli sebandla leli, uchasisa lokhu.
Isikhulumeli sebandla leCCC, uMnu. Promise Mkhwananzi, uthi ayamukeleki impumela yokhetho lolu.
Lokhu kusekelwa nguMnu. Timothy Dube, isakhamuzi seHarare.
Kodwa ingcwethi kwezombusazwe ezimeleyo, uMnu. Tedious Ncube, uthi iZANU PF isebenze nzima kungakho inqobe kukhetho.
Ezinye inhlanganiso ezichothoze ukuqhutshwe kokhetho lolu zigoqela eyeEuropean Union, African Union kanye leCommon Market for East and Southern and Africa.
SEE ALSO:
Udaba Esilwethulelwe NguMlondolozi Ndlovu