IZimbabwe Electoral Commission ithi uMongameli Emmerson Mnangagwa nguye onqobe kukhetho lukamongameli ngamavoti edlula okungamatshumi amahlanu ekhulwini – 52.6%.
Umbiko lo wethulwe ebusuku namuhla eHarare nguNkosikazi Priscilla Chigumba, umngcinisihlalo wekhomishini le, othe uMnu. Nelson Chamisa, owebandla leCitizens Coalition for Change (CCC) uthole amavoti ayisilinganiso sokungamatshumi amane lane ekhulwini – 44%.
Lokhu kutsho ukuthi uMnangagwa uthole amavoti afika phose izigidi ezimbili lengxenye - 2,350,711 kwathi uChamisa wathole ayizigidi phose ezimbili - 1,906,734.
Ukhetho lolu luchothozwe okumangalisayo ngabamele iSouthern African Development Community (SADC) labakumanyano we-European Union (EU) abathe kaluqhutshwanga ngemfanelo.
Ibandla leCCC lithi kalamukeli impumela yokhetho lolu. UMnu. Promise Mkhwanazi, isikhulumeli sebandla leli, uthi bazakwazisa uzulu ngabazakwenza.
UMnangagwa wanqoba uChamisa kukhetho olwacina luphanyekwa emthethwandaba, owathi uMnangagwa nguye owathola amavoti amanengi.