Uzulu weZimbabwe ulokhu elinde ngabomvu impumela yokhetho yona okumele imenyezelwe kusiyafka uMvulo. Abantu bemaphandleni esigabeni seMatebeleland South bathi intuthuko abayiboni ikakhulu kwezempilkahle lakwezemfundo.
Izakhamizi zeMatebeleland South zithi zifuna uhulumende ozangena azinakekele ngokuthuthukisa impilo yabahlali bemaphandleni hatshi ukunkhangela emadolobheni okuhlala inkokheli enengi.
UMnu Thembinkosi Ncube oyisakhamuzi seNkazhe eGwanda North, ulandisa ngalokhu athi kumele kwenziwe emaphandleni.
“Thina into esiyikhangeleleyo yikuthi kubelentuthuko ezigabeni laye uMP yenalowo okhona asilwele entweni ezingayisizo entweni lathi simqondise kulokhu esikufunayo phakathi komuzi wethu yonalowo, nxa kuholisa kumbe yiSocial Welfare enika abantu kungakhethwa kuphiwe yonke umuntu okhona.”
Uthi njalo abantwana ikakhulu amantombazana basengozini yokudlwengulwa ngoba izikolo zikhatshana lalapho abahlala khona.
“Abantwana bethu baleSecondary eyodwa usiyafika khonale eMatshetsheni umntwana uyasuka ngo4 ekuseni aphenduke ntambama, kambe imcabango ayabe elayo yesikolo angayikhumbula sehambe umango yonke lo, abanye baze becina bebhinywa.”
UMnu Promise Ndebele odabuka eKhalanyoni, ePlumtree uthi bathwele amagabha avuzayo emaphandleni.
“Esiyabe sikukhangelele entweni zokhetho lezo siyabe sikhangelele ingqubelaphambili, impilo yabantwabethu , sesibe lesikhathi eside thina sisehluleka empilweni kulokuncindezelwa okuthile, ngokubona kwami abadala laba sebekhulile yikho kusiba lelifa empilweni umuntu angakhula uyakwaba into zakhe ukuze abantwana besale lokuthula, uyabe ubanjwa umehlo kathesi kunje kade kuthwa kuvuswa izibhorane kuvuswe ezintathi awusababoni ngiyabona ngemva kweminyaka emihlanu kuaybe kulokhu kunje nxa ungatshitshanga umbuso wakhona.”
UMnu Libion Moyo oyisakhamuzi seNkwidzi uthi kuyadingeka ukuthi uhulumende avule amathuba yemisebenzi ukuze abasakhulayo bathole okwekwenza.
“Asilalutho sinje so, izigebengu esizileyo zibuya kithi ngoba kungela msebenzi ngezinye indlela akula ntuthuko kodwa ithemba lami lingitshela ukuthi ngo2023 kungasitshintshela ngoba abantwana sibakhangele kodwa abala kusasa enhle.”
UMnu Themba Nyathi esinye isakhamuzi seNkwidzi uthi yena akasela themba lokuthi umumo uzafa walunga eZimbabwe.
“Uthola ukuthi siyabe sinzame, thina sihlupheke kakhulu empilweni mina njengami angikaze ngisebenzi kungakho ngizwa ubuhlungu ngombuso okhona lo ukuthi ngabe siyatshintsha bengisiswa ukuthi kwezinye indawo iCCC kodwa ekucineni uthola ukuthi sibuyela khonaphana.”
Kusenjalo induna uMasendu uSindilizwe Dube oweBulilima kanye lenduna UNyangazonke/Mabuyana uVuyane Ndiweni weMatobo/Kezi bakhethwe ngezinye induna kuthange kudale lweSenate.
Your browser doesn’t support HTML5
Ezemaphandleni siloAlbert Ncube