Ukuvota kuqhubekele phambili ngoLwesine kwezinye indawo zeZimbabwe ngenxa yokuphuza ukuvulwa kokuvota izolo kulandela ukulethwa kwamaphepha okuvotela amalunga ekhansili ngemva kwemini enkulu. Kwezinye indawo impumela yokhetho isifakiwe ngaphandle kwezitishi obekuvotwa khona okuthiwa ngama V11.
Inengi lithi ukhetho lwalo nyaka belungakhululekanga ngoba ikomishini eqondisa ezo khetho eye Zimbabwe Electoral Commission yehlulekile ukuphatha ukhetho ngendlela efaneleyo. Abanye abantu abavotanga ngoba amagama abo engekho kugwalo lwababhalisa ukuvota.
UNkosazana Melody Nyoni ngomunye wabengenelisanga ukuvota.
"Ibizo lami ngiliswelile so angivotanga ngiliswele EHelem, eMtshede laseNjube Hall so angivotanga ngangiregestile 2018 kodwa angivotanga khathesi."
Ibandla leUnited Zimbabwe Alliance lithi ukhetho belungakhululekanga ngoba baqeda isikhathi emadale emthethwandaba bevinjwa libandla leZanu-PF ukukhankansela ukhetho bengabakhululekileyo. UMnfundisi Frank Mhlanga ngumsekeli kamongameli walelibandla.
"Iground ibingekho level ungabhekusiaa thina esasivalelwe ngaphandle sithe icourt sesiwinile ecourt sokusele nje amalanganyana ambalwa nje ukuthi umuntu akhankase ngamalanganyana ambalwa, akuzange kusinikeze lathi ithuba lokuthi sikhankase sikhululekile silesikhathi lathi esanrleyo. Well sizakuthatha njenge learning curve ukythi sifundile ukuthi sidila labantu abanjani."
UMongameli weZapu, uMnu Sibangilizwe Nkomo, uthi okwenziwe yi ZEC kuyayangisa.
"Khetho luka 1980 belungcono ngoba bekungakabi lama systems kungela mthetho kungala zindlela ezicolekileyo njengesikhathi khatesi sokule ZEC, ukuthi kade kumele kwehlukane khqtshana lo 1980 kodwa kwedlule ngo 1980 ukwenza kwakhona."
UMnu Joe Tshuma olilunga leCentral Committee kubandla le Zanu-PF uthi ukhetho belukhululekile uthi amhlophe kwabanqobileyo kubandla leCCC.
AbeZEC balile ukukhuluma leStudio 7 bathi bazabhala umbiko omayelana lokhetho kungakudala. Impumela yokhetho izakhitshwa okusemthethweni yiZEC namhla ebusuku lakusasa.