Imota yekhomishini ebona ngokuqhutshwa kokhetho, eyeZimbabwe Electoral Commission (ZEC), ebithwele amaphepha okuvotela, isiya eBikita West ngoLwesibili, iwise ama-ballot papers adojwa ngabantu emgwaqweni osuka eHarare usiya eMasvingo.
Abenhlanganiso ezimeleyo eyeElection Resource Center yibo abadobhe amaphepha lawa bawahambisa enkambeni yamapholisa.
Umqondisi weElection Resource Center uNkosazana Barbra Bhebhe uthe, “Sihle sabikela amapholisa ngesehlakalo lesi.”
Ebuzwa yiStudio 7 ukuthi mangaki ama-ballot papers adojwe yizisebenzi zenhlanganiso yakhe, uMaBhebhe uthe “amanani angilayo kodwa ngilethemba lokuthi amapholisa alawo.”
Ukulahleka kwama-ballot papers lokhu yinto esolwa kakhulu ngabanye besithi iZEC kumele iphathe impahla yokhetho ngonanzelelo ukuze ingaweli ezandleni zezigilamkhuba.
Umsekeli kamgcinisihlalo weZEC uMnu Rodney Kiwa utshele iStudio 7 ukuthi basaphenya.
“Sengithumele isisebenzi sethu ukuthi siyophenya sisekelwa ngamaphoyisa bese sibika. Ngingathola okwenzakeleyo ngizalazisa ngokuphuthuma,” kutsho uMnu Kiwa.
Your browser doesn’t support HTML5
Ingxoxo loNkosazana Barbara Bhebhe