Abebandla leCCC esigabeni seMalalume, kuWard 14, ePlumtree, sebesole iziphathamandla zeZanu PF besithi zisebenzisa ikiliniki eyakhwe yizakhamizi zeMalalume, ukukhankasela ukhetho zisenza angani ikiliniki ye yakhwe nguhulumende.
Ikiliniki le isungulwe yizakhamizi ngomnyaka ka2013 njalo ayikaphelisisi. Kodwa ivulwe ngumeli weBulilima edale lePhalamende olilunga leZanu PF uMnu Dingumuzi Phuti ngeviki ephelileyo, yena othe umtholampilo lo ungumzekeliso wentuthuko esilethwe yiZanu PF esigabeni.
Oncintisa kukhetho lukakhansila kaWard 14 emele ibandla leCCC uMnu Ephraim Mathalaza Moyo uthi izakhamizi zithukuthele ngokwenziwe yiZanu PF.
Uthi njalo kunengi azakwenzela uzulu engakhethwa.
Ozacintisana loMoyo emele iZanu PF uMnu Experience Dube kaphendulanga imibuzo esimthumele yona kanti locingi lwakhe belungangeni. Umeli weBulilima ePhalamende njalo engoweZanu PF uMnu Dingumuzi Phuti laye ubengadobhi ucingo lwakhe.
Your browser doesn’t support HTML5
Ingxoxo loMnu. Ephraim Mathalaza Moyo.