VICTORIA FALLS —
Amabandla amakhulu ancintisa kukhetho olukhulu oluzayo oluzaqhutshwa ngoLwesithathu athi aselungiselele ukuvotela amakhansila, amalunga edale lephalamende lomongameli.
UNkosikazi Sethulo Ndebele, okubandla leCitizens Coalition for Change (CCC), ngomunye wabamelele ukhetho lolu.
“Abantu bona ngokwabo bakhala ngemsebenzi kakhulu sinje silibandla eCCC silama members ahlala eSouth Africa, ngikhuluma kunje babuyile sitshaye inconvoy bathi sebekhathele ngoba abahlalanga kuhle, lakhonalapha ezibhedlela kuyaswelakala ngithso le ambulance uzwe kuthiwa kufuneka imali ngako thina sithembisa impilo, imfundo kuye wonke ofuze afunde.”
UMnumzana Richard Moyo, umngcinisihlalo webandla leZanu PF esabelweni seMatabeleland North, uthi sebegqibile umkhankaso wokhetho oluzayo.
“Abe ZEC (Zimbabwe Electoral Commission) babusy ukufundisa ama polling agents lama parties labo babusy ukuthi bencidisane le ZEC, so wonke ama polling stations ethu eMat North kulama polling agents kathesi kusukela kusasa bazabe behanjiswa ukuthi beyelala khonale ngoba ama polling stations ayavulwa ngo 7AM ekuseni ngoLwesithathu.Thina sesizimisele njalo siyasuthiseka abantu basithembisile ukuthi bazavota for Zanu PF.”
Oncithisa ukumela uzulu edala lephalamende eHwange West ekubandla leMDC-T, uMnumzana Somveli Dhlamini, laye uthi sezingabotshwa.
“Singenile emakhaya emadolobheni lakuma wards sisenza ama door to doors sifaka lama posters sikhulumisana labantu iresponce yabantu itshengisa ukuthi usekelo olukhona. Uhlupho nje esilalo yikuthi asenelisanga ukufaka ama polling agents kuzozonke indawo ngesimo sokuswela imali."
Ozancintisa eHwange Central ekubandla leCCC, uMnumzana Daniel Molokele, uthi sebelungiselela umsebenzi omkhulu.
“Umsebenzi wethu wokukhankasa uhambe kakuhle. Akuzange kube lokulilwisana kumbe udlame ngakho ke siyakubonga lokho. Ama polling agents’ silawo, so far sibusy ngomsebenzi wokuthi siwafake endaweni zabo njalo konke kusahamba kakuhle, akulama complaints.”
Abantu abedlula kancane izigidi eziyisithupha – 6.6 million babhalisela ukuvota kukhetho lolu.